ସିସିଟିଭିରେ କଏଦ ହେଲା ଛାତିଥରା ଦୃଶ୍ୟ, କୂଅରେ ଖସିପଡିଲେ ୨ଯୁବକ
ସମ୍ବଲପୁର: ମୃତ୍ୟୁର ଲାଇଭ ଭିଡିଓ । ସିସିଟିଭିରେ କଏଦ ହେଲା ଛାତିଥରା ଦୃଶ୍ୟ । ଏକ କୂଅ ଚାନ୍ଦିନୀରେ ବସିଥିବା ସମୟରେ ହଠାତ ୩୦ ଫୁଟ କୂଅରେ ଖସିପଡିଲେ ୨ଯୁବକ । ଯାହାର ଦୃଶ୍ୟ ସିସିଟିଭିରେ କଏଦ ହୋଇଛି । ଏଭଳି ଘଟଣା ଘଟିଛି ସମ୍ବଲପୁର ଟାଉନ ଥାନା ଅନ୍ତର୍ଗତ ଲକ୍ଷ୍ମୀ ଟକିଜ ଛକ ନିକଟରେ । ତେବେ ୨ ଯୁବକଙ୍କ ମୃତ୍ୟୁ ହୋଇଥିବା ବେଳେ ସେମାନେ ସାହୁ କଲୋନୀର ସୁନିଲ ତ୍ରିପାଠୀ ଓ ସୁଶିଲ ତ୍ରିପାଠୀ ବୋଲି ଜଣାପଡିଛି ।
ସୂଚନା ଅନୁଯାଇ ଗତକାଲି ରାତିରେ ଲକ୍ଷ୍ମୀ ଟକିଜ ଛକ ନିକଟରେ ୩ଜଣ ଯୁବକ କଥା ହେଉଥିଲେ । ସେମାନଙ୍କ ମଧ୍ୟରୁ ସୁନିଲ ଓ ସୁଶିଲ କୂଅ ଚାନ୍ଦିନୀରେ ବସିଥିଲେ । କିଛି ସମୟକଥା ହେବାପରେ ଅସାବଧାନତା ହେତୁ ପ୍ରଥମେ ଜଣେ କୂଅ ମଧ୍ୟକୁ ଖସିପଡିବା ପରେ ଅନ୍ୟ ଜଣେ ମଧ୍ୟ ଖସିପଡିଥିଲେ । ଏନେଇ ଖବର ପାଇଁ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ଦୁଇ ଯୁବକଙ୍କୁ ଉଦ୍ଧାର କରି ହସ୍ପିଟାଲକୁ ପଠାଇଥିଲେ । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ତେବେ ନିଶାସକ୍ତ ଅବସ୍ଥାରେ ୨ଯୁବକ କୂଅ ଉପରେ ବସିଥିବାବେଳେ ଏଭଳି ଅଘଟଣ ଘଟିଥିବା ସନ୍ଦେହ କରାଯାଉଛି ।
Powered by Froala Editor
