ପୁଣି ଥରେ ବଢିଲା ବସ୍ ଭଡା
ଭୁବନେଶ୍ବର : ପୁଣି ଥରେ ବଢିଲା ବସ୍ ଭଡା । ତୈଳ ଦର ବୃଦ୍ଧି କାରଣରୁ ବଢିଲା ବସ୍ ଭଡା। ସାଧାରଣ ଭଡା ୮୯ ପଇସାରୁ ୯୨ ପଇସାକୁ ବୃଦ୍ଧି ପାଇଥିବାବେଳେ ଏକ୍ସପ୍ରେସ ଭଡା ୯୩ ପଇସାରୁ ୯୬ ପଇସାକୁ ବୃଦ୍ଧି ପାଇଛି।
ସେହିଭଳି ଡିଲକ୍ସ ଭଡା ୧.୨୯ ପଇସାରୁ ୧.୩୫ ପଇସାକୁ ବୃଦ୍ଧି ପାଇଥିବାବେଳେ ଏସି ଡିଲକ୍ସ ଭଡା ୧.୫୭ ପଇସାରୁ ୧.୬୩କୁ ବୃଦ୍ଧି ଏବଂ ସୁପର ପ୍ରିମିୟମ୍ ଭଡା ୨.୪୪ ପଇସାରୁ ୨.୫୩ ପଇସାକୁ ବୃଦ୍ଧି ପାଇଛି। ପେଟ୍ରୋଲ ଡିଜେଲ ଦରରେ ଅହେତୁକ ବୃଦ୍ଧି ହେତୁ ବସ୍ ଭଡା ବଢିଥିବା ସୂଚନା ରହିଛି। ତେବେ କରୋନା କାଳରେ ଲୋକଙ୍କ ଆର୍ଥିକ ସ୍ଥିତି ଠିକ୍ ନଥିବାବେଳେ ବର୍ଷକ ଭିତରେ ୨ ଥର ବସ୍ ଭଡାରେ ବୃଦ୍ଧି କରାଯାଇଛି। ଫଳରେ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।
Powered by Froala Editor
