ଭୁବନେଶ୍ୱରକୁ ଡ୍ରଗ୍ସମୁକ୍ତ ସହର କରାଯିବ: ସିପି
ଭୁବନେଶ୍ୱର: ଭୁବନେଶ୍ୱରକୁ ଡ୍ରଗ୍ସମୁକ୍ତ ସହର କରାଯିବ ବୋଲି ପୁଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି । ଡ୍ରଗ୍ସ ବିରୋଧୀ ଅଭିଯାନ ନେଇ ଶନିବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସେ ଏହା କହିଛନ୍ତି ।
ଏହାଛଡ଼ା ସେ କହିଛନ୍ତି ଯେ, ଆଜି ବାଲିଅନ୍ତାରୁ ୨୬୦ ଗ୍ରାମର ବ୍ରାଉନସୁଗର ଜବତ ହୋଇଛି । ବ୍ରାଉନସୁଗର ଜବତ ସହ ଜଣକୁ ଗିରଫ କରାଯାଇଛି । ୨୦୨୧ରେ ଟୁଇନ ସିଟିରୁ ୧୦ କେଜିରୁ ଊଦ୍ଧ୍ୱର୍ ବ୍ରାଉନସୁଗର ଜବତ ହୋଇଛି । ଭୁବନେଶ୍ୱର ଅର୍ବାନରୁ ୫ କେଜିରୁ ଊଦ୍ଧ୍ୱର୍ ଓ କଟକରୁ ୪ କେଜିରୁ ଊଦ୍ଧ୍ୱର୍ ବ୍ରାଉନସୁଗର ଜବତ କରାଯାଇଛି । ଭୁବନେଶ୍ୱରରୁ ନଗଦ ୪୩ ଲକ୍ଷ ୫୦ ହଜାର ଟଙ୍କା ମଧ୍ୟ ଜବତ ହୋଇଛି । ଭୁବନେଶ୍ୱରରୁ ୬୭ ଜଣ ଓ କଟକରୁ ୩୦ ଜଣଙ୍କୁ ଗିରଫ କରାଯାଇଛି । ଆଗକୁ ମଧ୍ୟ ଡ୍ରଗ୍ସ ବିରୋଧୀ ଅଭିଯାନ ଜାରି ରହିବ । ଭୁବନେଶ୍ୱରକୁ ଡ୍ରଗ୍ସମୁକ୍ତ ସହର କରାଯିବ ବୋଲି ସେ କହିଛନ୍ତି ।
ଏହାଛଡ଼ା ରେଭ ପାର୍ଟି ଉପରେ ନଜର ରହିବ । ରେଭ ପାର୍ଟିରେ ନିଶାସେବନ ଉପରେ କଡ଼ା ନଜର ରହିବ । ଆଇନ ଉଲ୍ଲଂଘନ କଲେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସିପି କହିଛନ୍ତି ।
Powered by Froala Editor
