କରୋନା ସ୍ଥିତି ଭୟଙ୍କର, ଦେଶରେ ଦିନକରେ ୨ ଲକ୍ଷ ୯୫ ହଜାର ଆକ୍ରାନ୍ତ, ୨୦୨୩ ମୃତ
ଭୁବନେଶ୍ୱର : ଦେଶରେ କରୋନା ସ୍ଥିତି ଭୟଙ୍କର ହେବାରେ ଲାଗିଛି । ସାରା ଦେଶରେ ଏବେ କରୋନା ତାଣ୍ଡବ କରୁଛି । ଗତ ୨୪ ଘଂଟା ମଧ୍ୟରେ ଦେଶରେ ୨ ଲକ୍ଷ ୯୫ ହଜାର ଲୋକ କରୋନାରେ ଆକ୍ରାନ୍ତ ହୋଇଥିବାବେଳେ ୨୦୨୩ ଜଣଙ୍କର ମୃତୁ୍ୟ ଘଟିଛି । ଫଳରେ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୧ କୋଟି ୫୬ ଲକ୍ଷ ୧୬ ହଜାର ୧୩୦ ହୋଇଥିବାବେଳେ ମୃତୁ୍ୟ ସଂଖ୍ୟା ୧ ଲକ୍ଷ ୮୨ ହଜାର ୫୫୩ରେ ପହଁଚିଛି । ଅପରପକ୍ଷରେ ଦେଶରେ ସମ୍ପ୍ରତି ୨୧ ଲକ୍ଷ ୫୭ ହଜାର ୫୩୮ ଜଣ ଚିକିତ୍ସିତ ହେଉଛନ୍ତି ।
କରୋନା ସଂକ୍ରମଣ ବୃଦ୍ଧି ପାଉଥିବାବେଳେ ଦେଶରେ କେତେକ ସ୍ଥାନରେ ଅକ୍ସିଜେନ ସଂକଟ ବି ପରିଲକ୍ଷିତ ହୋଇଛି । ଅନେକ ରାଜ୍ୟରେ ଲକଡାଉନ ମଧ୍ୟ କରାଯାଇଥିବାବେଳେ କରୋନା କଟକଣାକୁ କଠୋର କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏନେଇ ଜନସାଧାରଣଙ୍କୁ ନିବେଦନ କରିଛନ୍ତି ।
Powered by Froala Editor
