ଚୋରି ଓ ଛିନତାଇ ଘଟଣାରେ ଇଣ୍ଡିଆନ ଆଇଡଲର ପ୍ରତିଯୋଗୀ ଗିରଫ
ଇଣ୍ଡିଆନ ଆଇଡଲର ଜଣେ ପ୍ରତିଯୋଗୀଙ୍କୁ ଆଜି ଦିଲ୍ଲୀ ପୁଲିସ ଗିରଫ କରିଛି । ଏହି ଯୁବକଙ୍କ ନାମ ସୁରଜ ବାହାଦୁର ହୋଇଥିବାବେଳେ ପ୍ରାୟ ୧୦୦ଟି ଚୋରି ଓ ଛିନତାଇ ଘଟଣାରେ ସେ ସମ୍ପୃକ୍ତ ରହିଛି । ସୁରଜ ଦିଲ୍ଲୀ ବିଶ୍ୱବିଦ୍ୟାଳୟରୁ ସ୍ନାତକ ହାସଲ କରିଛି । ସେ ଟାଏକୋଣ୍ଡୋରେ ଦୁଇଥର ସ୍ୱର୍ଣ୍ଣ ପଦକ ବିଜେତା ଥିବାବେଳେ ଜଣେ ଭଲ ଗାୟକ । ୨୦୦୮ରେ ଇଣ୍ଡିଆନ୍ ଆଇଡଲ୍ ସିଜନ୍ ୪ ରେ ଅଂଶଗ୍ରହଣ କରିଥିଲେ ଏବଂ ଟପ୍ ୫୦ ପ୍ରତିଯୋଗୀଙ୍କ ମଧ୍ୟରେ ସ୍ଥାନ ପାଇଥିଲେ । କିନ୍ତୁ ଏଭଳି ଘଟଣା ସମସ୍ତଙ୍କୁ ଚକିତ କରିଛି ।
ଗତକାଲି ମୋତି ନଗରର ରାମା ରୋଡରେ ପାଟ୍ରୋଲିଂ ବେଳେ ପୁଲିସ ଟିମ୍ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଦେଖି ତାଙ୍କୁ ଅଟକାଇଥିଲା। ଉକ୍ତ ବ୍ୟକ୍ତି ଜଣକ କିର୍ତ୍ତୀନଗରରୁ ଏକ ଚୋରି କରି ଫେରାର ହେବାକୁ ଚେଷ୍ଟା କରୁଥିଲା । ପୁଲିସ ଅଧିକ ପଚରାଉଚୁରା କରିବା ପରେ ପାଖାପାଖି ୨.୫ କିଲୋଗ୍ରାମ ସୁନା ଅଳଙ୍କାର ଲୁଟିଥିବାର ସ୍ୱୀକାର କରିଥିଲା । ସେ ଆଉ ଦୁଇ ସହଯୋଗୀଙ୍କ ସହ ମିଶି ପାଖାପାଖି ୧୦୦ରୁ ଅଧିକ ଅପରାଧ କରିଥିଲେ ଏବଂ ଅଭିଯୁକ୍ତଙ୍କ ନିକଟରୁ ବନ୍ଧୁକ, ୫୫ଟି ମୋବାଇଲ୍ ଫୋନ୍ ଏବଂ ପାଞ୍ଚଟି ଚାରିଚକିଆ ଯାନ ଜବତ କରାଯାଇଛି।
Powered by Froala Editor
