ଦେଶରେ ଗୋଟିଏ ଦିନରେ ୨ ଲକ୍ଷ ୫୯ ହଜାର ୧୭୦ ଜଣ ସଂକ୍ରମିତ
ନୂଆଦିଲ୍ଲୀ : କରୋନାର ପ୍ରଥମ ଲହର ଠାରୁ ଦ୍ୱିତୀୟ ଲହର ଭୟଙ୍କର ଭାବେ ବ୍ୟାପିବାରେ ଲାଗିଛି । ଗୋଟିଏ ଦିନରେ ୨ ଲକ୍ଷ ୫୯ ହଜାର ୧୭୦ ଜଣ ସଂକ୍ରମିତ ହୋଇଥିବା ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି । ସେହିପରି ଗୋଟିଏ ଦିନରେ କରୋନାରେ ୧୭୬୧ ଜଣଙ୍କର ମୃତୁ୍ୟ ହୋଇଛି । ସମ୍ପ୍ରତି ଦେଶରେ ୧ କୋଟି ୫୩ ଲକ୍ଷ ୨୧ ହଜାର ୮୯ ଜଣ ସଂକ୍ରମିତ ହୋଇଥିବାବେଳେ ୧ ଲକ୍ଷ ୮୦ ହଜାର ୫୩୦ ଜଣଙ୍କର ମୃତୁ୍ୟ ଘଟିଛି । ଅପରପକ୍ଷରେ ଦେଶରେ ୧୨ କୋଟି ୭୧ ଲକ୍ଷ ୨୯ ହଜାର ୧୧୩ ଜଣଙ୍କୁ ଟିକା ଦିଆଯାଇଛି ।
ସେହିପରି ଭାରତ ନଯିବା ପାଇଁ ଆମେରିକାର ସିଡ଼ିସି ନାଗରିକମାନଙ୍କୁ ପରାମର୍ଶ ଦେଇଛି । ବ୍ରିଟେନ ମଧ୍ୟ ଭାରତକୁ ନାଲି ତାଲିକାରେ ରଖିଛି । ଭାରତରୁ ବ୍ରିଟେନକୁ ଆସିବା ଉପରେ କଟକଣା ଲାଗିଥିବାବେଳେ ଯେଉଁ ବ୍ରିଟେନ ନାଗରିକମାନେ ଭାରତରୁ ଆସିବେ ସେମାନେ ୧୦ ଦିନ ହୋଟେଲରେ କ୍ୱାରେଂଟିନ ରହିବେ ବୋଲି କୁହାଯାଇଛି ।
Powered by Froala Editor
