ବର୍ତ୍ତମାନ ଦେଶରେ ଲକଡାଉନ ଲାଗୁ ହେବ ନାହିଁ - ଅମିତ ଶାହ
![ବର୍ତ୍ତମାନ ଦେଶରେ ଲକଡାଉନ ଲାଗୁ ହେବ ନାହିଁ - ଅମିତ ଶାହ](https://odishanewslens.com/news_gallery/612_1618739847.jpg)
ଏକ ପ୍ରମୁଖ ରାଷ୍ଟ୍ରୀୟ ଗଣମାଧ୍ୟମ କୁ ସାକ୍ଷାତକାରରେ ଗୃହମନ୍ତ୍ରୀ ଅମିତ ଶାହ କହିଛନ୍ତି ଯେ, ଦେଶରେ ସମ୍ପୂର୍ଣ୍ଣ ଲକଡାଉନ ଲାଗୁ କରିବା ଭଳି ସ୍ଥିତି ଏବେ ସୃଷ୍ଟି ହୋଇନାହିଁ | ଏହାସହିତ ଗୃହମନ୍ତ୍ରୀ ଶ୍ରୀ ଶାହ କହିଛନ୍ତି ଯେ ନିର୍ବାଚନ ସହିତ ବଢୁଥିବା କରୋନା ସଂକ୍ରମଣର କୌଣସି ସମ୍ପର୍କ ନାହିଁ | ଗତ ବର୍ଷ ଯେଉଁ ଲକଡାଉନର ନିଷ୍ପତ୍ତି ନିଆଯାଇଥିଲା ତା ପଛରେ ଉଦ୍ଦେଶ୍ୟ ଅଲଗା ଥିଲା। ସେ ସମୟରେ ଦେଶରେ କରୋନା ଚିକିତ୍ସା ପାଇଁ ଔଷଧ କିମ୍ବା ଟିକା ନଥିଲା। ଏବେ ସ୍ଥିତି ଭିନ୍ନ ରହିଛି। ସବୁ ରାଜ୍ୟ ସହ ଆମେ ଲଗାତର ସମ୍ପର୍କରେ ଅଛୁ ଓ ରାଜ୍ୟ ଗୁଡିକର କରୋନା ସ୍ଥିତି ଉପରେ ନଜର ରଖିଛୁ ।
ଏହାସହିତ ଦେଶରେ ଚିହ୍ନଟ ହୋଇଥିବା କରୋନାର ନୂଆ ଷ୍ଟ୍ରେନ ଓ ଦିନକୁ ଦିନ ବଢୁଥିବା ସଂକ୍ରମଣ କୁ ନେଇ ଗୃହମନ୍ତ୍ରୀ କହିଛନ୍ତି ଯେ, ଦେଶବାସିଙ୍କ ସହିତ ମୁଁ ମଧ୍ୟ ଚିନ୍ତିତ ଅଛି। କିନ୍ତୁ ଆମ ଦେଶର ବୈଜ୍ଞାନିକ ଏହା ଉପରେ ଅଧୟନ କରୁଛନ୍ତି । ଏହାସହିତ ଗୃହମନ୍ତ୍ରୀ ଶ୍ରୀ ଅମିତ ଶାହ ବିଶ୍ୱାସ ଦେଇଛନ୍ତି ଯେ କରୋନା ବିରୁଦ୍ଧରେ ଲଢେଇ ଭାରତ ନିଶ୍ଚିତ ଜିତିବ |