ସ୍ୱିଗି ଡେଲିଭରି ବଏ ପତିତପାବନ ପୃଷ୍ଟିଙ୍କ ଅପହରଣ ଘଟଣାରେ ବଢୁଛି ଅଡୁଆ । ମଧ୍ୟପ୍ରଦେଶରୁ ପତିତପାବନଙ୍କୁ ଠାବ କଲା ପୋଲିସ । ରେଲୱେ ପୋଲିସ ସହାୟତାରେ ଉଦ୍ଧାର କଲା ଧଉଳି ଥାନା ପୋଲିସ । ପତିତପାବନ ଏକ ଯୁବତିଙ୍କୁ ଅପହରଣ କରିଥିବା ଅପହୃତ ଯୁବତୀଙ୍କ ପରିବାର ପକ୍ଷରୁ ଅଭିଯୋଗ ହୋଇଛି । ନିଖୋଜ ଯୁବତୀ , ପତିତପାବନ ନିଜ ଅପହରଣ ନିଜେ ରଚିଥିବା ଏକ ଚିଠିରେ ଉଲ୍ଲେଖ ରହିଛି । ଏହି ଚିଠିକୁ ଗୋପ ଥାନା ପୋଲିସ ଜବତ କରି ଘଟଣାର ତଦନ୍ତ କରୁଛି । ମଧ୍ୟପ୍ରଦେଶରୁ ପତିତପାବନଙ୍କ ସହ ଅନ୍ୟ ଜଣେ ଯୁବତୀକୁ ମଧ୍ୟ ଠାବ କରିଛି ପୋଲିସ । ପତିତପାବନ ଓ ଯୁବତି ବର୍ତ୍ତମାନ ମଧ୍ୟପ୍ରଦେଶରେ ଅଟକ ରହିଛନ୍ତି । ଏକ ଟିମ ତାଙ୍କୁ ସେଠାରୁ ଆଣିବାକୁ ଯାଇଛି । ପଚରା ଉଚରା ପରେ ଅପହରଣ ପଛର ସତ ସ୍ପଷ୍ଟ ହୋଇପାରିବ ବୋଲି କୁହାଯାଇଛି । ତେବେ ପ୍ରେମ ସମ୍ପର୍କକୁ ନେଇ ଏଭଳି ଅପହରଣ ନାଟକ କରାଯାଉଥିବା ସନେ୍ଦହ କରାଯାଉଛି । ସୂଚନ ଅନୁସାରେ ବିଳମ୍ବିତ ରାତିରେ ସ୍ୱିଗୀ ଡେଲିଭରୀ ବୟ୍ ପତିତପାବନ ପୃଷ୍ଟିଙ୍କୁ ଅପହରଣ ନେଇ ଅଭିଯୋଗ ହୋଇଥିଲା । ଅପହରଣ ନେଇ ପରିବାର ଲୋକଙ୍କୁ ଭଏସ ମେସେଜରେ ସୂଚନା ଦେଇଥିଲେ ପତିତପାବନ । ଦୟାନଦୀ ରାସ୍ତା ନିକଟରୁ ଡେଲିଭରି ବୟଙ୍କ ଚପଲ, ବ୍ୟାଗ୍, ଗଞ୍ଜି ଓ ଏକ ଛୁରି ମିଳିଥିଲା । ପତିତପାବନଙ୍କ ପନôୀଙ୍କ ଅଭିଯୋଗ ଅନୁଯାୟୀ, ସ୍ୱାମୀଙ୍କୁ କିଛି ନିଶାସକ୍ତ ଯୁବକ ଅପହରଣ କରି ନେଇଥିଲେ ।

Powered by Froala Editor