ଭାଲୁଙ୍କ ଫୁଟବଲ ଖେଳ
ମଇଦାନରେ ଖେଳାଳି ପ୍ରସ୍ତୁତ । ଫୁଟବଲକୁ ନେଇ ଖେଳାଳିମାନେ ପଡିଆର ଏପଟରୁ ସେପଟ ଘୂରି ବୁଲୁଛନ୍ତି । ଏ ଦୃଶ୍ୟ କୌଣସି ଫୁଟବଲ ପିଚ୍ର ନୁହେଁ । ଆଉ ଖେଳାଳି ମଧ୍ୟ ମଣିଷ ନୁହେଁ । ଭାଲୁମାନେ ଖେଳାଳି ଭଳି ଏକ ଫୁଟବଲକୁ ନେଇ ଉତ୍ସାହର ସହ ଖେଳୁଛନ୍ତି । ଉମରକୋଟ ବ୍ଲକ ମୂର୍ତ୍ତୃମା ପଞ୍ଚାୟତ ସୁକିଗାଁ ରେ ଏ ଦୃଶ୍ୟର ଭିଡିଓ ଭାରି ମଜାଦାର ହୋଇଛି । ଯାହାର ଭିଡିଓ ଭାଇରାଲ ହେଉଛି ।
ସୁକିଗାଁ ପଡ଼ିଆ ରେ ପ୍ରତିଦିନ ଭଳି ଗ୍ରାମ ର ପିଲା ମାନେ ଫୁଟବଲ ଖେଳିବାକୁ ଯାଇଥିଲେ। ସମସ୍ତେ ଖେଳୁଥିବା ସମୟରେ ହଟାତ ଦୁଇଟି ଭାଲୁ ଜଙ୍ଗଲ ମଧ୍ୟରୁ ଆସି ପଡିଆ ମଧ୍ୟଭାଗକୁ ପଶି ଆସିଥିଲେ। ପଡିଆରେ ଖେଳୁଥିବା ପିଲାମାନେ ଭୟରେ ଫୁଟବଲକୁ ଛାଡି ପଳାଇଥିଲେ। ଏହାପରେ ଉଭୟ ଭାଲୁ ଫୁଟବଲକୁ ନେଇ ଖେଳିବା ଆରମ୍ଭ କରିଦେଇଥିଲେ ଏବଂ ଦୀର୍ଘ ସମୟ ଧରି ପଡିଆ ଭିତରେ ଦୁଇଟି ଭାଲୁ ବଲକୁ ଧରି ଖେଳି ଚାଲିଥିଲେ। ଭାଲୁ ଦୁଇଟି ଫୁଲଟଲ ଖେଳିବା ଭିଡ଼ିଓ ମୋବାଇଲରୁ ମୋବାଇଲ ଭାଇରଲ ହେବାରେ ଲାଗିଛି, ଯାହା କି ସ୍ଥାନୀୟ ପିଲାମାନେ ଭାଲୁଙ୍କ ଫୁଟବଲ ଖେଳ ଦେଖି ମଜା ନେଉଛନ୍ତି। ଏ ଦୃଶ୍ୟ ଦେଖିଲେ ଯେକେହିବି ଆଶ୍ଚର୍ଯ୍ୟ ହେଉଛନ୍ତି । ଭାଲୁ ମଧ୍ୟ ଠିକ୍ ମଣିଷ ଭଳି ଫୁଟବଲ ଖେଳୁଛି ।
Powered by Froala Editor
