ତାଲିବାନର ଫାଙ୍କା ଗୁଳି ଚାଳନା, ୧୭ ମୃତ
କାବୁଲ: ତାଲିବାନ ଆତଙ୍କବାଦୀମାନେ ପଞ୍ଜଶୀରର ପ୍ରମୁଖ ଅଞ୍ଚଳ ଦଖଲ କରିବା ପରେ ଖୁସିରେ ଆତ୍ମହରା ହୋଇ ଫାଙ୍କା ଗୁଳି ଚାଳନା କରିଥିଲେ । ତେବେ ଏହି ଗୁଳି ବର୍ଷା ନିରୀହ ଲୋକଙ୍କ ପାଇଁ କାଳ ହୋଇଛି । ଗୁଳି ମାଡ଼ରେ ୩ ଜଣ ଶିଶୁଙ୍କ ସମେତ ୧୭ ଜଣଙ୍କ ମୃତୁ୍ୟ ହୋଇଛି ଏବଂ ୪୦ ରୁ ଅଧିକ ଆହତ ହୋଇଛନ୍ତି । ତାଲିବାନ କମାଣ୍ଡର ପଞ୍ଜଶୀର ଦଖଲ କରିଥିବା ଘୋଷଣା କରିବା ପରେ ତାଲିବାନ ବାହିନୀ ରାସ୍ତାରେ ବୁଲି ଗୁଳି ଫୁଟାଇଥିଲେ । ଏହା ଦ୍ୱାରା ଏତେ ସଂଖ୍ୟକ ନିରୀହ ଜନତାଙ୍କ ମୃତୁ୍ୟ ହୋଇଯାଇଛି । ଇତିମଧ୍ୟରେ ପଞ୍ଜଶୀରରେ ବିଦ୍ରୋହୀ ବାହିନୀ ନେତା ଅହମ୍ମଦ ମସୋଦ କହିଛନ୍ତି ପଞ୍ଜଶୀରକୁ ତାଲିବାନ ଦଖଲ କରିଥିବା ନେଇ ଯେଉଁ ଖବର ପ୍ରାସର ହୋଇଛି ତାହା ମିଛ । ଉଲ୍ଲେଖଯୋଗ୍ୟ, ପଞ୍ଜଶୀରରେ ବିଦ୍ରୋହୀ ବାହିନୀ ସହ ଶାନ୍ତି କଥାବାର୍ତ୍ତା ବିଫଳ ହେବା ପରେ ତାଲିବାନ ବର୍ବର ଆକ୍ରମଣ ଆରମ୍ଭ କରିଥିଲା ।
Powered by Froala Editor
