କରୋନାର ଦ୍ୱତୀୟ ଲହରର ପ୍ରକୋପ ଧିରେ ଧିରେ କମୁଥିବା ବେଳେ ତୃତୀୟ ଲହର ଆସିବାକୁ ନେଇ ଚିନ୍ତା ବଢିଛି । ଏଥିପାଇଁ ତୃତୀୟ ଲହରର ମୁକାବିଲା ପାଇଁ ସ୍ୱାସ୍ଥ୍ୟ ନିଦେ୍ର୍ଧଶକ ସର୍ତକ କରାଇଛନ୍ତି । ଦ୍ୱିତୀୟ ଲହର ଅପେକ୍ଷା ତୃତୀୟ ଲହର ପିକ୍ ବଢିପାରେ ବୋଲି ଅନେକ ସଂସ୍ଥା ଆକଳନ କରୁଛନ୍ତି । ଅଥାର୍ତ ପିକ୍ ସମୟରେ ଅଧିକ ସଂଖ୍ୟକ ସଂକ୍ରମଣ ମାମଲା ଆସିପାରେ ବୋଲି ଆଶଙ୍କା କରାଯାଉଛି । ତେଣୁ ଏହାର ମୁକାବିଲା ପାଇଁ ରାଜ୍ୟ ସରକାରଙ୍କ ପକ୍ଷରୁ ଜୋରଦାର ପ୍ରସ୍ତୁତି କରାଯାଉଛି । ଯେପରି ଦ୍ୱିତୀୟ ଲହର ଭଳି ସ୍ଥିତି ନ ଉପୁଜେ ତାହା ଉପରେ ଗୁରୁତ୍ୱ ଦିଆଯାଉଛି । ଦ୍ୱିତୀୟ ଲହରର ପିକ୍ ସମୟରେ ଦ÷ନିକ ୧୦ ହଜାର ପର୍ଯ୍ୟନ୍ତ କେସ୍ ସାମ୍ନାକୁ ଆସୁଥିଲା । ତୃତୀୟ ଲହରରେ ଏହା ବଢିପାରେ । ଏବେ ସ୍ଥିତି ଭଲ ଅଛି । ସର୍ଭିଲାନ୍ସ ଓ କଣ୍ଟାକ୍ଟ ଟ୍ରେସିଂ ଜାରି ରଖାଯାଇଛି । ତୃତୀୟ ଲହରର ସାମ୍ନା କରିବାକୁ ସରକାର ପ୍ରସ୍ତୁତ ଥିବା କହିଛନ୍ତି ସ୍ୱାସ୍ଥ୍ୟ ନିଦେ୍ର୍ଧଶକ । ଏହାବାଦ୍ ଭାରତ ସରକାରଙ୍କ ପକ୍ଷରୁ ପୂଜାପାର୍ବଣରେ କଟକଣା ଜାରି ରଖିବା ପାଇଁ ନିଦେ୍ର୍ଧଶ ଦିଆଯାଇଛି । ରାଜ୍ୟ ସରକାର ଏହା ଉପରେ ନଜର ରଖିଛନ୍ତି । ତେଣୁ ସଠିକ୍ ସମୟରେ ରାଜ୍ୟ ସରକାର ପାର୍ବଣ ପାଇଁ ନୂଆ ଗାଇଡଲାଇନ ଆଣିବେ ବୋଲି କହିଛନ୍ତି ସ୍ୱାସ୍ଥ୍ୟ ନିଦେ୍ର୍ଧଶକ । ଏହାପୂର୍ବରୁ ଗତବର୍ଷ ମଧ୍ୟ କରୋନା ସଂକ୍ରମଣ ପାଇଁ କଟକଣା ଭିତରେ ପୂଜାପାର୍ବଣ ହୋଇଥିଲା । ଖାସକରି ଆଗକୁ ଦୁର୍ଗାପୂଜା ରହିଥିବାରୁ ମଣ୍ଡପ ଗୁଡିକରେ ଭିଡ ବଢିବାର ଯଥେଷ୍ଟ ସମ୍ଭାବନା ରହିଛି । ତେଣୁ ପୂଜାପାର୍ବଣ ପାଇଁ ନୂଆ ଗାଇଡଲାଇନ ଆସିବ ବୋଲି ସୂଚନା ମିଳିଛି ।

Powered by Froala Editor