ଫେବୃଆରୀରେ ପଂଚାୟତ ନିର୍ବାଚନ, ବିଧାନସଭାରେ ହେବ ସଂରକ୍ଷଣ ସଂଶୋଧନ
ଭୁବନେଶ୍ୱର : ଫେବୃଆରୀରେ ପଂଚାୟତ ନିର୍ବାଚନ ହେବା ନିଶ୍ଚିତ ହୋଇଯାଇଛି । ଏନେଇ ରାଜ୍ୟ ସରକାର ଆବଶ୍ୟକୀୟ ପଦକ୍ଷେପ ଆରମ୍ଭ କରିଦେଇଛନ୍ତି । ବିଧାନସଭାରେ ସଂରକ୍ଷଣ ସଂକ୍ରାନ୍ତୀୟ ସଂଶୋଧନ ଆସିବାକୁ ଯାଉଛି ।
ପହିଲାରୁ ବିଧାନସଭାର ମୌସୁମୀ ଅଧିବେଶନ ବସିବ । ତେବେ ପଂଚାୟତ ଓ ପୌର ନିର୍ବାଚନ ପରିପ୍ରେକ୍ଷୀରେ ସଂଶୋଧନ ପ୍ରସ୍ତାବ ଆସିବକି ନାହିଁ ତାହା ସ୍ପଷ୍ଟ ହୋଇନଥିଲା । କାହିଁକିନା ନିର୍ଦ୍ଧାରିତ ଫେବୃଆରୀ ମାସରେ ନିର୍ବାଚନ ହେବା ନିମନ୍ତେ ସଂଶୋଧନ ନିତାନ୍ତ ଅପରିହାର୍ଯ୍ୟ । ଆଜି ଏନେଇ ସୂଚନା ଦେଇ ପଂଚାୟତିରାଜ ମନ୍ତ୍ରୀ ପ୍ରତାପ ଜେନା କହିଛନ୍ତିଯେ, ପଂଚାୟତ ସଂରକ୍ଷଣ ସଂକ୍ରାନ୍ତୀୟ ସଂଶୋଧନ ବିଲ ବିଧାନସଭାରେ ଆସିବ ।
ମନ୍ତ୍ରୀଙ୍କ ଏଭଳି ସୂଚନା ପରେ ପଂଚାୟତ ନିର୍ବାଚନ ପ୍ରକ୍ରିୟା ତ୍ୱରାନ୍ୱିତ ହୋଇପାରିବ । ପ୍ରଥମେ ଜିଲ୍ଲାପାଳମାନେ ସଂରକ୍ଷଣ ତାଲିକା ପ୍ରଦାନ କରିବେ । ଏନେଇ ଅଭିଯୋଗ ଶୁଣାଣୀ ନିମନ୍ତେ ମଧ୍ୟ ମାସେ ସମୟ ରହିବ । ଯଦି ସବୁକିଛି ଠିକଠାକ ଚାଲେ ତେବେ ଡିସେମ୍ବରରେ ଏନେଇ ବିଜ୍ଞପ୍ତି ପ୍ରକାଶ ପାଇବ ।
Powered by Froala Editor
