ଭୁବନେଶ୍ୱର: ବର୍ଷା ଓ ଅନୁଭବ ମହାନ୍ତିଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିବାବେଳେ ଏନେଇ ଅଦାଲତରେ ମାମଲା ହୋଇଛି  । ତେବେ ଆଜି ଏକ ଗୁରୁତ୍ୱପୂର୍ଣ୍ଣ ଶୁଣାଣୀ କରି ହାଇକୋର୍ଟ ଅନୁଭବ ମହାନ୍ତିଙ୍କ ମାମଲାର ଅନ୍ତ  କରିଛନ୍ତି ।
ବିବାହ ବିଚ୍ଛେଦର ତ୍ୱରିତ ଶୁଣାଣୀ ପାଇଁ ଅନୁଭବ ହାଇକୋର୍ଟରେ ଆବେଦନ କରିଥିଲେ  । ତେବେ ପାରିବାରିକ ଅଦାଲତରେ ମାମଲାର ବିଚାର ଆରମ୍ଭ ହୋଇଥିବାରୁ ହାଇକୋର୍ଟ ମାମଲାର ଅନ୍ତ କରିଛନ୍ତି ।
ସୂଚନାଯୋଗ୍ୟଯେ, ବିବାହ ବିଚ୍ଛେଦ ପାଇଁ ଅନୁଭବ ମହାନ୍ତି ଦିଲ୍ଲୀ କୋର୍ଟରେ ଆବେଦନ କରିଥିଲେ । ଅପରପକ୍ଷରେ ବର୍ଷା ପ୍ରିୟଦର୍ଶିନୀ ପାରିବାରିକ ହିଂସା ଓ ରକ୍ଷଣାବେକ୍ଷଣ ସଂକ୍ରାନ୍ତରେ ଏକ ମାମଲା କଟକର ପାରିବାରିକ ଅଦାଲତରେ କରିଥିଲେ । ସେହିପରି ଦିଲ୍ଲୀ କୋର୍ଟରେ ହୋଇଥିବା ମାମଲାକୁ ଓଡ଼ିଶା ସ୍ଥାନାନ୍ତର କରିବା ପାଇଁ ମଧ୍ୟ ସେ ଏକ ଆବେଦନ କରିଥିଲେ । ପରେ କୋର୍ଟ ଅନୁଭବଙ୍କ ମାମଲାକୁ ସ୍ଥାନାନ୍ତର କରିଥିଲେ । ତେବେ ମାମଲା ପରିଚାଳନାରେ ବିଳମ୍ବ ହେଉଥିବାରୁ ଅନୁଭବ ଏନେଇ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । କଟକ ପାରିବାରିକ ଅଦାଲତରେ କେବେ ଅନୁଭବ ତ ଆଉ କେବେ ବର୍ଷା ଅନୁପସ୍ଥିତ ରହୁଥିଲେ । ଏଥିପାଇଁ ଉଭୟ ପରସ୍ପରକୁ ଦୋଷାରୋପ କରୁଥିଲେ । କିନ୍ତୁ ଏବେ ପାରିବାରିକ ଅଦାଲତରେ ଏହାର ଶୁଣାଣୀ ଆରମ୍ଭ ହୋଇଯାଇଛି । ବର୍ଷା ଓ ଅନୁଭବଙ୍କ ମଧ୍ୟରେ ଆପୋଷ ଆଲୋଚନା ନିମନ୍ତେ ବହୁ ଉଦ୍ୟମ ସତ୍ୱେ ତାହା ବିଫଳ ହୋଇଛି । ଫଳରେ ଉଭୟଙ୍କ ମଧ୍ୟରେ ବିବାହ ବିଚ୍ଛେଦ ନିଶ୍ଚିତ ହୋଇସାରିଥିବାବେଳେ ଭରଣପୋଷଣ ପାଇଁ ବର୍ଷା କେତେ ଅର୍ଥ ପାଇବେ ତାହା ଉପରେ ଏବେ ସଭିଙ୍କ ନଜର ।

Powered by Froala Editor