ଦମଦାର୍ ଏଣ୍ଟ୍ରି କରିବେ ରକି ଭାଇ: ୨୦୨୨ ଏପ୍ରିଲ ୧୪ରେ ରିଲିଜ ହେବ କେଜିଏଫ୍-୨
ପୁଣି ଫେରିବେ ରକି ଭାଇ। ମହାମାରୀ ପାଇଁ ବାରମ୍ବାର ଅଟକି ଥିବା କେଜିଏଫ୍-୨ ରିଲିଜ ହେବ । ଏଥିପାଇଁ ଡେଟ୍ ଘୋଷଣା ହୋଇଥିବାବେଳେ ପୋଷ୍ଟର ସାମ୍ନାକୁ ଆସିଛି । ଏହି ପୋଷ୍ଟରକୁ ନିଜେ ରକି ଭାଇ ଓରଫ ଫିଲ୍ମର ଲିଡ୍ ଅଭିନେତା ୟଶ୍ ନିଜ ସୋଶାଲ ମିଡିଆରେ ଶେଆର କରିଛନ୍ତି।
ୟଶ ତାଙ୍କ ପୋଷ୍ଟରେ ଲେଖିଛନ୍ତି, 'ଆଜିର ଅନିଶ୍ଚିତତା କେବଳ ଆମର ସଂକଳ୍ପକୁ ବିଳମ୍ବ କରିବ, କିନ୍ତୁ ଯେମିତି ପ୍ରତିଶ୍ରୁତି ଦିଆଯାଇଥିଲା, ସେମିତି ହିଁ ହେବ। ଆମେ ୧୪ ଏପ୍ରିଲ ୨୦୨୨ରେ ବଡ଼ ପରଦାକୁ ଆସିବୁ।' ୟଶଙ୍କ ଏହି ପୋଷ୍ଟ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।
ଫିଲ୍ମ ନିର୍ଦେଶକ ପ୍ରଶାନ୍ତ ନୀଲ କହିଛନ୍ତି ଯେ, " ପ୍ରତିଶୃତି ମୁତାବକ ଆମେ ୧୪ ଏପ୍ରିଲ, ୨୦୨୨ରେ ଦେଶର ସିନେମା ଘରଗୁଡିକରେ ଶୋଭା ପାଇବୁ ।" କେଜିଏଫ-୨ ବିଭିନ୍ନ ଭାଷାରେ ମୁକ୍ତିଲାଭ କରିବ । କନ୍ନଡ, ତେଲୁଗୁ, ତାମିଲ, ମାଲୟାଲମ ଏବଂ ହିନ୍ଦୀ ଭାଷାରେ ମୁକ୍ତିଲାଭ କରିବାକୁ ପ୍ରଯୋଜକମାନେ ଯୋଜନା କରିଛନ୍ତି ।
ଏହି ଫିଲ୍ମରେ ବଲିଉଡ ସୁପରଷ୍ଟାର ସଞ୍ଜୟ ଦତ୍ତ ମଧ୍ୟ ଦେଖା ଦେବେ । କନ୍ନଡ ଫିଲ୍ମ ଇଣ୍ଡଷ୍ଟ୍ରିରେ ସଞ୍ଜୁ ବାବାଙ୍କ ଏହା ଡେବ୍ୟୁ ହେବାକୁ ଯାଉଛି । ନିଜର ଇନଷ୍ଟାଗ୍ରାମ ପେଜରେ ସଞ୍ଜୁ ଏହି ଫିଲ୍ମର ପୋଷ୍ଟର ରିଲିଜ କରିଛନ୍ତି । ପୋଷ୍ଟରରେ ରବୀନ ଟଣ୍ଡନ, ସଞ୍ଜୟ ଦତ୍ତ, ୟସ ଏବଂ ପ୍ରକାଶ ରାଜ ନଜର ଆସୁଛନ୍ତି । ପୋଷ୍ଟର ଦେଖିବା ପରେ ଲୋକଙ୍କ ମନରେ ଉତ୍ସାହ ଆହୁରି ବଢିଯାଇଛି ।
ସୂଚନା ମୁତାବକ, ଫିଲ୍ମ କେଜିଏଫ୍ର ପ୍ରଥମ ଭାଗକୁ ଲୋକେ ବେଶ୍ ପସନ୍ଦ କରିଥିଲେ। ବହୁବଳୀ ଫିଲ୍ମ ପରି କେଜିଏଫ୍ ଚାପ୍ଟର-୧କୁ ମଧ୍ୟ ପ୍ରଶଂସକମାନେ ଗ୍ରହଣ କରିଥିଲେ। ବିଜୟ କିରଙ୍ଗଦୁରଙ୍କ ଦ୍ଵାରା ନିର୍ମିତ ଏହି କନ୍ନଡ ଚଳଚିତ୍ର ବକ୍ସ ଅଫିସରେ ନୂଆ କୀର୍ତ୍ତିମାନ ସୃଷ୍ଟି କରିଥିଲା । ସାରା ଦେଶରେ ଫିଲ୍ମକୁ ନେଇ ଚର୍ଚ୍ଚା ମଧ୍ୟ ହୋଇଥିଲା। ଏବେ କେଜିଏଫ୍ର ଚାପ୍ଟର-୨ ଆସିବ।
Powered by Froala Editor
