ତାଲିବାନକୁ ଝଟ୍କା: ଆମେରିକା ପରେ ସମ୍ବଳ ପାଣ୍ଠି ବନ୍ଦ କଲା ଆଇଏମ୍ଏଫ୍
![ତାଲିବାନକୁ ଝଟ୍କା: ଆମେରିକା ପରେ ସମ୍ବଳ ପାଣ୍ଠି ବନ୍ଦ କଲା ଆଇଏମ୍ଏଫ୍](https://odishanewslens.com/news_gallery/5093_1629359102.jpeg)
ତାଲିବାନ ଆତଙ୍କୀମାନେ ପୁଣି ଆଫଗାନିସ୍ତାନକୁ ନିଜ କବ୍ଜାକୁ ନେଇଛନ୍ତି । ତାଲିବାନ ତାର କୁ୍ତ୍ସିତ ରୂପ ଦେଖାଇବା କ୍ଷଣି ଆମେରିକା ମଧ୍ୟ ଆର୍ଥିକ ସହାୟତାକୁ ପୂରା ବନ୍ଦ କରିଦେଇଛି । ଆମେରିକା ୭୦୬ ବିଲିୟନ ଟଙ୍କା ମୂଲ୍ୟର ସମ୍ପତ୍ତି ଫ୍ରିଜ୍ କରି ଦେଇଛି । ଆଇଏମ୍ଏଫ୍ ଅର୍ଥାତ୍ ଆନ୍ତର୍ଜାତୀୟ ମୁଦ୍ରା ପାଣ୍ଠି ମଧ୍ୟ ସମ୍ବଳ ବ୍ୟବହାର ଉପରେ ପ୍ରତିବନ୍ଧକ ଲଗାଇଛି।
ରିପୋର୍ଟ ଅନୁଯାୟୀ, ଆଫଗାନିସ୍ତାନରେ ଶାସନକୁ ଆସିବା ପରେ ତାଲିବାନ ଉପରେ ଗୋଟିଏ ପରେ ଗୋଟିଏ ପ୍ରତିବନ୍ଧକ ଲାଗିବା ଆରମ୍ଭ ହୋଇଛି । ଆଇଏମ୍ଏଫ୍ ଅର୍ଥାତ୍ ଆନ୍ତର୍ଜାତୀୟ ମୁଦ୍ରା ପାଣ୍ଠି କହିଛି ଯେ, ତାଲିବାନ ଦ୍ୱାରା ଆଫଗାନିସ୍ତାନକୁ ଏହାର ସମ୍ବଳ ବ୍ୟବହାର କରିପାରିବ ନାହିଁ । ଏହାସହିତ କୌଣସି ପ୍ରକାର ସହଯୋଗ ମିଳିପାରିବ ନାହିଁ । ଆଇଏମ୍ଏଫ୍ ଏବେ ୪୬୦ ମିଳିୟନ ଆମେରିକୀୟ ଡଲାର ମାନେ ୪୬ କୋଟି ଡଲାର ଟଙ୍କାର ଜରୁରୀକାଳୀନ ବ୍ୟବହାର ଉପରେ ରୋକ ଲଗାଇଛି ।
ନ୍ୟୁୟର୍କ ଟାଇମ୍ସର ରିପୋର୍ଟ ଅନୁଯାୟୀ, ମଙ୍ଗଳବାର ଦିନ ଆମେରିକା ଆଫଗାନିସ୍ତାନର ସେଣ୍ଟ୍ରାଲ ବ୍ୟାଙ୍କରେ ଥିବା ୯.୫ ବିଲିୟନ ଡଲାର ବା ୭୦୬ ବିଲିୟନରୁ ଅଧିକ ଟଙ୍କା ଫ୍ରିଜ୍ କରିଛି। କେବଳ ଏତିକି ନୁହେଁ, ଆଫଗାନିସ୍ତାନକୁ ନଗଦ ଟଙ୍କା ଯୋଗାଣ ଉପରେ ମଧ୍ୟ ଆମେରିକା ରୋକ୍ ଲଗାଇଛି ।
ପାକିସ୍ତାନୀ ୱେବସାଇଟ୍ ଅନୁଯାୟୀ, ଆମେରିକାର ଟ୍ରେଜେରୀ ସଚିବ ଜାନେଟ୍ ୟେଲେନ ଏବଂ ଟ୍ରେଜେରୀ ବୈଦେଶିକ ସମ୍ପତ୍ତି ନିୟନ୍ତ୍ରଣ କାର୍ଯ୍ୟାଳୟର କର୍ମଚାରୀମାନେ ଆକାଉଣ୍ଟ ଫ୍ରିଜ୍ କରିବାକୁ ନିଷ୍ପତ୍ତି ନେଇଛନ୍ତି। ଅଧିକାରୀ କହିଛନ୍ତି ଯେ, ଆମେରିକାରେ ଆଫଗାନିସ୍ତାନ ସରକାରଙ୍କ କେନ୍ଦ୍ରୀୟ ବ୍ୟାଙ୍କର ଥିବା କୌଣସି ସମ୍ପତ୍ତି ତାଲିବାନ ବ୍ୟବହାର କରିପାରିବ ନାହିଁ । ଏହି କାର୍ଯ୍ୟ ପୂର୍ବରୁ ଆମେରିକାର ବୈଦେଶିକ ବିଭାଗ ଏବଂ ଓ୍ୱାଇଟ୍ ହାଉସର ପରାମର୍ଶ ନିଆଯାଇଛି । ତାଲିବାନ ଉପରେ ଚାପ ପକାଇବା ପାଇଁ ବାଇଡେନ୍ ପ୍ରଶାସନ ମଧ୍ୟ ଅନ୍ୟ କାର୍ଯ୍ୟାନୁଷ୍ଠାନ ଉପରେ ବିଚାର କରୁଛି। ତାଲିବାନ ନିକଟକୁ କିପରି ଆଇଏମ୍ଏଫ୍ ଭଣ୍ଡାର ପହଞ୍ଚିବନି, ସେନେଇ ଏପରି ନିଷ୍ପତ୍ତି ନିଆଯାଇଛି ।
Powered by Froala Editor