ମୁମ୍ବାଇ: ଅଶ୍ଳୀଳ ଫିଲ୍ମ ର୍ୟାକେଟ ମାମଲାରେ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରାଙ୍କୁ ଅନ୍ତରୀଣ ଜାମିନ ଦେଇଛନ୍ତି ବମ୍ବେ ହାଇକୋର୍ଟ । ଜଷ୍ଟିସ ଏସ କେ ସିନେ୍ଦଙ୍କ ଖଣ୍ଡପୀଠ ଆସନ୍ତା ୨୫ ତାରିଖରେ ରାଜ କୁନ୍ଦ୍ରାଙ୍କ ଆଗୁଆ ଜାମିନ ଉପରେ ଜବାବ ରଖିବାକୁ ପୁଲିସକୁ ନିଦେ୍ର୍ଧଶ ଦେଇଛନ୍ତି । ସେ ପର୍ଯ୍ୟନ୍ତ କୁନ୍ଦ୍ରାଙ୍କୁ ଅନ୍ତରୀଣ ସୁରକ୍ଷା ପ୍ରଦାନ କରାଗଲା ବୋଲି ବିଚାରପତି କହିଛନ୍ତି । ରାଜ କୁନ୍ଦ୍ରା ଏବେ ଜେଲରେ ଅଛନ୍ତି । କାରଣ ସେ ଅନ୍ୟ ଏକ ମାମଲାରେ ଗତ ଜୁଲାଇ ମାସରେ ଗିରଫ ହୋଇଥିଲେ । ମୋବାଇଲ ଆପରେ ଅଶ୍ଳୀଳ ଫିଲ୍ମ ପ୍ରଡକ୍ସନ ଓ ଡିଷ୍ଟ୍ରିବୁ୍ୟସନ ସହ ଏହି ମାମଲା ଜଡ଼ିତ । ଏହି କେସରେ କୁନ୍ଦ୍ରା ଗତ ସପ୍ତାହରେ ଆଗୁଆ ଜାମିନ ପାଇଁ ଆବେଦନ କରିଥିଲେ । ସେସନ କୋର୍ଟରେ ତାଙ୍କର ଏହି ଆଗୁଆ ଜାମିନ ଖାରଜ ହୋଇଥିଲା । ଏହାପରେ କୁନ୍ଦ୍ରା ହାଇକୋର୍ଟରେ ଜାମିନ ପାଇଁ ଆବେଦନ କରିଥିଲେ ।  ଏହି ଆବେଦନରେ ସେ ଦର୍ଶାଇଥିଲେ, ଏହି ମାମଲାରେ ଅନ୍ୟ ଅଭିଯୁକ୍ତମାନଙ୍କୁ ଜାମିନ ମିଳି ସାରିଥିବାରୁ ତାଙ୍କୁ ଜାମିନ ମିଳିବା ଉଚିତ । ହାଇକୋର୍ଟରେ ଏହି ଆବେଦନକୁ ବିରୋଧ କରି ବିଚାରପତି ସିନେ୍ଦ କହିଥିଲେ, ଅଶ୍ଳୀଳ ଫିଲ୍ମ ମାମଲାରେ କୁନ୍ଦ୍ରାଙ୍କ ଭୂମିକା ଅନ୍ୟ ଅଭିଯୁକ୍ତଙ୍କଠାରୁ ଅଲଗା । ଆସନ୍ତା ୨୫ ତାରିଖ ପର୍ଯ୍ୟନ୍ତ ସେ ପୁଲିସକୁ ସମୟ ଦେଇଥିବା ବେଳେ ସେଦିନ ପରବର୍ତ୍ତୀ ଶୁଣାଣି ହେବ ବୋଲି କହିଛନ୍ତି ।

Powered by Froala Editor