ସୁନନ୍ଦା ପୁଷ୍କର ମୃତ୍ୟୁ ମାମଲା, ଦୋଷମୁକ୍ତ ହେଲେ ଶଶୀ ଥରୁର
![ସୁନନ୍ଦା ପୁଷ୍କର ମୃତ୍ୟୁ ମାମଲା, ଦୋଷମୁକ୍ତ ହେଲେ ଶଶୀ ଥରୁର](https://odishanewslens.com/news_gallery/5066_1629283720.jpg)
ଦିଲ୍ଲୀ: ବହୁଚର୍ଚ୍ଚିତ ସୁନନ୍ଦା ପୁଷ୍କର ମୃତ୍ୟୁ ମାମଲାରେ ଦୋଷମୁକ୍ତ ହେଲେ କଂଗ୍ରେସ ସାଂସଦ ଶଶୀ ଥରୁର । ଦିଲ୍ଲୀ କୋର୍ଟ ମାମଲାର ଶୁଣାଣି କରି ଶଶୀଙ୍କୁ ଦୋଷମୁକ୍ତ କରିଛନ୍ତି । ଗତ ଏପ୍ରିଲ ୨୬ ତାରିଖରେ କୋର୍ଟ ଉଭୟ ପକ୍ଷର ଯୁକ୍ତି ଶୁଣିବା ପରେ କୋର୍ଟ ରାୟ ସଂରକ୍ଷିତ ରଖିଥିଲେ ।
ସୂଚନା ଥାଉକି, ଗତ ମାର୍ଚ୍ଚ ୨୬ ତାରିଖରେ ଶଶୀ ଥରୁର କହିଥିଲେ କି ଯଦି ଆତ୍ମହତ୍ୟା କରିବା ଘଟଣା ପ୍ରମାଣିତ ହୋଇନାହିଁ ତେବେ ଆତ୍ମହତ୍ୟା ପାଇଁ ପ୍ରବର୍ତ୍ତାଇବା ଭଳି ଅଭିଯୋଗ ଭିତ୍ତିହୀନ । ପୂର୍ବରୁ ଶଶୀଙ୍କ ଓକିଲ ତାଙ୍କୁ ଦୋଷମୁକ୍ତ କରିବା ପାଇଁ ଦାବି କରିଥିଲେ । ସେ କୋର୍ଟକୁ କହିଥିଲେ କି, ସୁନନ୍ଦାଙ୍କୁ ମାନସିକ ଓ ଶାରିରୀକ ଭାବେ ଥରୁର କୌଣସି ନିର୍ୟାତନା ଦେଇନାହାନ୍ତି । ଏପରିକି ସୁନନ୍ଦାଙ୍କ ସମ୍ପର୍କୀୟଙ୍କ ବୟାନରୁ ଏହା ସ୍ପଷ୍ଟ ହେଉଛି କି ସେ ଆତ୍ମହତ୍ୟା କରିନପାରନ୍ତି । ତାଙ୍କ ସମ୍ପର୍କୀୟ ଶଶୀଙ୍କ ଉପରେ କୌଣସି ଅଭିଯୋଗ ଲଗାଇ ନଥିଲେ ।ସୁନନ୍ଦା ପୁଷ୍କର ମୃତ୍ୟୁ ମାମଲାରେ ଗତ ୧୪ ମେ’ ୨୦୧୮ରେ ଦିଲ୍ଲୀ ପୋଲିସ ଅଭିଯୋଗ ପତ୍ର ଦାଖଲ କରିଥିଲା । ଯେଉଁଥିରେ ଶଶୀ ଥରୁରଙ୍କୁ ଦୋଷୀ ବୋଲି ଦର୍ଶାଇଥିଲା ପୋଲିସ । ଏପରିକି ତାଙ୍କ ବିରୋଧରେ ଭାରତୀୟ ଦଣ୍ଡ ସଂହିତାର ଧାରା ୪୮୯ (ଏ) ଓ ୩୦୬ ଭଳି ଦଫା ଲଗାଯାଇଥିଲା । ଏହାସହ ଅଭିଯୋଗରେ ଏହା ମଧ୍ୟ କୁହାଯାଇଥିଲା କି, ସୁନନ୍ଦାଙ୍କ ମୃତ୍ୟୁ ବିବାହର ୩ ବର୍ଷ ୩ ମାସ ପରେ ହୋଇଥିଲା । ଉଭୟଙ୍କ ବିବାହ ୨୨ ଅଗଷ୍ଟ ୨୦୧୦ ହୋଇଥିଲା ।ସୂଚନା ଥାଉକି, ୨୦୧୪ ଜାନୁଆରୀ ୧୭ ତାରିଖରେ ସୁନନ୍ଦା ପୁଷ୍କରଙ୍କ ମୃତ୍ୟୁ ଏକ ହୋଟେଲରେ ହୋଇଥିଲା । ତାଙ୍କ ମୃତ୍ୟୁର କିଛିଦିନ ପୂର୍ବରୁ ସୁନନ୍ଦା ଅଭିଯୋଗ କରିଥିଲେ କି ତାଙ୍କ ସ୍ବାମୀ ଶଶୀ ଥରୁରଙ୍କ ଜଣେ ପାକିସ୍ତାନୀ ସାମ୍ବାଦିକାଙ୍କ ସହ ଅନୈତିକ ସଂପର୍କ ରହିଛି ।
Powered by Froala Editor