ସମୁଦ୍ର ପତନରୁ ୧୪ ହଜାରରୁ ୧୭ ହଜାର ଫୁଟ ଉପରେ ଉଡିଲା ତ୍ରିରଙ୍ଗା
ନୂଆଦିଲ୍ଲୀ: ସମୁଦ୍ର ପତନରୁ ୧୪ ହଜାରରୁ ୧୭ ହଜାର ଫୁଟ ଉପରେ ଉଡିଲା ତ୍ରିରଙ୍ଗା । ଏପରି ଚିତ୍ର ଆସିଛି ଦେଶର ସୀମାନ୍ତ ଲଦାଖର ଉଚ୍ଚ ପାହାଡିଆ ଘାଟି ଉପରୁ । ଦେଶର ସୀମା ସୁରକ୍ଷାରେ ମୁତୟନ ଥିବା ଆଇଟିବିପି ଯବାନ ଉଚ୍ଚ ଘାଟି ଉପରେ ପତାକା ଉଡାଇ ପାଳନ କରିଛନ୍ତି ସ୍ୱାଧୀନତା ଦିବସ । ଏହି ଅବସରରେ ବନ୍ଦେ ମାତରମ୍ ଆଉ ଭାରତ ମାତା କୀ ଜୟ ଧ୍ୱନିରେ କମ୍ପିଛି ଲଦାଖ ଅଞ୍ଚଳ।
ସେହିପରି ଉତ୍ତରାଖଣ୍ଡ ସୀମାର ୧୩ ହଜାର ଫୁଟ ଉଚ୍ଚରେ ଜାତୀୟ ପତାକା ଉଡାଇଛନ୍ତି ଆଇଟିବିପି ଯବାନ । ୭୫ ତମ ସ୍ୱାଧୀନତା ଦିବସ ପାଳିଛନ୍ତି ଦେଶର ସୁରକ୍ଷାରେ ମୁତୟନ ଥିବା ଆଇଟିବିପି ଯବାନ । ଯବାନମାନେ ଜାତୀୟ ପତାକା ଉତ୍ତୋଳନ କରିବା ସହ ଜାତୀୟ ସଂଗୀତ ଗାନ କରି ସ୍ୱାଧୀନତା ଦିବସ ପାଳନ କରିଥିବା ଦେଖାଯାଇଛି।
ତେବେ ସ୍ୱାଧୀନତା ଦିବସ ଅବସରରେ ୨୦ଜଣ ଆଇଟିବିପି ଯବାନଙ୍କୁ ବୀରତା ପଦକ ଦେଇ ସମ୍ମାନିତ କରାଯାଇଛି ଜ୍ଝ ଗତ ବର୍ଷ ମେ-ଜୁନ୍ ମାସରେ ପୂର୍ବ ଲଦାଖରେ ଚୀନ ସହ ହୋଇଥିବା ସଂଘର୍ଷରେ ସେମାନଙ୍କର ସାହସିକତା ପାଇଁ ସେମାନଙ୍କୁ ସମ୍ମାନିତ କରାଯାଇଥିବା ଜଣାପଡିଛି
Powered by Froala Editor
