ଟ୍ରକ୍ ଭିତରେ ସିଲିଣ୍ଡର ବ୍ଲାଷ୍ଟ : ୧୦ ଜଣଙ୍କ ମୃତ୍ୟୁ
ଶନିବାର ବିଳମ୍ବିତ ରାତିରେ ପାକିସ୍ତାନର କରାଚୀ ମଓ୍ଵାଚ ଗୋଠ ଅଞ୍ଚଳରେ ସିଲିଣ୍ଡର ବିସ୍ଫୋରଣ ଘଟିଛି। ଏଥିରେ ପ୍ରାୟ ୧୦ଜଣଙ୍କ ମୃତ୍ୟୁ ଘଟିଥିବା ବେଳେ ୧୦ ଲୋକ ଆହତ ହୋଇଛନ୍ତି। ତେବେ ସିଲିଣ୍ଡର ବିସ୍ଫୋରଣ ପଛର କାରଣ କ'ଣ, ସେ ନେଇ ପୋଲିସ ଏବେ ତଦନ୍ତ ଜାରି ରଖିଛି। କରାଚୀ ପ୍ରଶାସକ ମୁର୍ତଜା ଓ୍ଵହାବ ଘଟଣାର ତଥ୍ୟ ମାଗିଥିବା ବେଳେ ତୁରନ୍ତ ମାମଲାର ଯାଞ୍ଚ କରିବାକୁ ନିର୍ଦ୍ଦେଶ ଦେଇଛନ୍ତି। ସେହିପରି ମୁଖ୍ୟମନ୍ତ୍ରୀ ସମସ୍ତ ଆହତଙ୍କୁ ଠିକ୍ ଚିକିତ୍ସା ଯୋଗାଇ ଦେବାକୁ କହିଛନ୍ତି। ଆବଶ୍ୟକ ଅନୁସାରେ ଭଲ ହସ୍ପିଟାଲ ନେଇଯିବାକୁ ନିର୍ଦ୍ଦେଶ ଦେଇଛନ୍ତି।
ସୂଚନା ଯେ, ବିସ୍ଫୋରଣ ଏକ ମିନି ଟ୍ରକ ଭିତରେ ଘଟିଛି। ଟ୍ରକ ଭିତରେ ଯେଉଁ ସମୟରେ ବିସ୍ଫୋରଣ ଘଟିଥିଲା, ସେହି ସମୟରେ ସେଥିରେ ୨୦ରୁ ୨୫ ଲୋକ ଥିଲେ। ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି, ଏ ସମସ୍ତ ଯାତ୍ରୀ ଏକ ବିବାହ ସମାରୋହରୁ ଫେରୁଥିଲେ। ପ୍ରଥମେ ଦୁର୍ଘଟଣାସ୍ଥଳରୁ ୭ ଲୋକଙ୍କୁ ଆହତ ଅବସ୍ଥାରେ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା। ପରେ ରେସ୍କ୍ୟୁ ଅପରେଶନ ବେଳେ ଆଉ ୩ ଲୋକ ଆହତ ଅବସ୍ଥାରେ ମିଳିଥିଲେ। ରେସ୍କ୍ୟୁ ଟିମ୍ର କହିବା ହେଲା, ମୋଟ ୧୦ ଜଣ ଏଥିରେ ଆହତ ହୋଇଥିବା ବେଳେ ୧୦ ଲୋକଙ୍କ ମୃତ୍ୟୁ ଘଟିଛି।
Powered by Froala Editor
