ଭୁବନେଶ୍ୱର : ଧିରେଧିରେ କରୋନା ସଂକ୍ରମଣ ହ୍ରାସ ପାଇବାରେ ଲାଗିଛି । ଫଳରେ ସ୍ୱର୍ଗଦ୍ୱାରରେ ଶବସତ୍କାର କଟକଣା କୋହଳ ହୋଇଛି । ଆସନ୍ତା ୧୬ରୁ ସ୍ୱର୍ଗଦ୍ୱାରରେ ଶବସତ୍କାର କରାଯିବ  । ପୂର୍ବରୁ କେବଳ ପୁରୀ ଜିଲ୍ଲାର ଲୋକମାନଙ୍କୁ ଶବସତ୍କାର ପାଇଁ ଅନୁମତି ମିଳୁଥିବାବେଳେ ଏଣିକି ବାହାର ଜିଲ୍ଲାର ଲୋକମାନେ ଶବସତ୍କାର କରିପାରିବେ  ।

ଶବସତ୍କାର ନେଇ କେତେକ ଗାଇଡ଼ଲାଇନ ବି ରହିଛି  । କୋଭିଡ଼ କଟକଣା ମଧ୍ୟରେ ଅନ୍ତ୍ୟେଷ୍ଟି ସ୍ଥଳରେ ୧୦ ଜଣ ଉପସ୍ଥିତ ରହିପାରିବେ  । ମୃତକଙ୍କ କୋଭିଡ଼ ନେଗେଟିଭ ରିପୋର୍ଟ ବାଧ୍ୟତାମୂଳକ କରାଯାଇଛି  । ଶନିବାର ଓ ରବିବାର ସଟଡାଉନରେ ମଧ୍ୟ ଶବଦାହ କରାଯାଇପାରିବ  । ପୁରୀ ଉପଜିଲ୍ଲାପାଳ ଭବତାରଣ ସାହୁ ଏହି ସୂଚନା ଦେଇଛନ୍ତି  । 

ସୂଚନାଯୋଗ୍ୟଯେ, କରୋନା ବ୍ୟାପୁଥିବାରୁ ସ୍ୱର୍ଗଦ୍ୱାରରେ ଶବସତ୍କାର ନେଇ କଟକଣା କରାଯାଇଥିଲା । ପ୍ରଥମେ ସ୍ୱର୍ଗଦ୍ୱାରରେ ଶବସତ୍କାରକୁ ସମ୍ପୂର୍ଣ୍ଣ ବନ୍ଦ କରାଯାଇଥିବାବେଳେ ପରେ କେବଳ ପୁରୀ ଜିଲ୍ଲାର ମୃତକଙ୍କ ଶବସତ୍କାର ପାଇଁ ଅନୁମତି ମିଳିଥିଲା । ଫଳରେ ସ୍ୱର୍ଗଦ୍ୱାରରେ ବାହାର ଜିଲ୍ଲାର ମୃତକଙ୍କ ଶବସତ୍କାର କରାଯାଇପାରୁନଥିଲା  । 

ଅପରପକ୍ଷରେ ଆସନ୍ତା ୧୬ରୁ ପୁରୀ ଶ୍ରୀମନ୍ଦିର ମଧ୍ୟ ସର୍ବସାଧାରଣ ଦର୍ଶନ ପାଇଁ ଖୋଲିବ  । କରୋନା କଟକଣା ମଧ୍ୟରେ ଭକ୍ତମାନେ ମହାପ୍ରଭୂଙ୍କ ଦର୍ଶନ କରିବେ  । ପ୍ରଥମେ ପୁରୀ ଲୋକଙ୍କୁ ଦର୍ଶନର ସୁବିଧା ମିଳିଥିଲା  ।

Powered by Froala Editor