ତାତିଲେ ରାଜ୍ୟର ୪ ହଜାର କମ୍ପ୍ୟୁଟର ଶିକ୍ଷକ, ଫିନାଇଲ ପିଇ ଆତ୍ମହତ୍ୟା ଉଦ୍ୟମ
ଭୁବନେଶ୍ବର: ଛଟେଇ ପରେ ପୁନଃ ନିଯୁକ୍ତି ନ ମିଳିବାରୁ ତାତିଲେ ରାଜ୍ୟର ୪ ହଜାର କମ୍ପ୍ୟୁଟର ଶିକ୍ଷକ । ଶେଷରେ ଦାବି ପୂରଣ ପାଇଁ ଆଜି ଓସେପା କାର୍ୟ୍ୟାଳୟ ସମ୍ମୁଖରେ ଧାରଣା ଦେଇଥିଲେ । ତେବେ ଧାରଣାସ୍ଥଳରେ ଜଣେ ମହିଳା ଫିନାଇଲ ପିଇ ଆତ୍ମହତ୍ୟା ଉଦ୍ୟମ କରୁଥିବାବେଳେ ଅନ୍ୟ ଜଣେ ଶିକ୍ଷକ ନିଜ ଶରୀରରେ କିରୋସିନ ଢାଳି ହୋଇ ଆତ୍ମହତ୍ୟା ଉଦ୍ୟମ କରୁଥିଲେ । ଏହି ସମୟରେ ପୋଲିସ ତାଙ୍କୁ ଉଦ୍ଧାର କରୁଥିବାବେଳେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇବା ସହ ପୋଲିସ ଓ ଶିକ୍ଷକଙ୍କୁ ମଧ୍ୟରେ ଧସ୍ତାଧସ୍ତି ହୋଇଥିଲା । ଫଳରେ ଏଥିରେ ପୋଲିସ ମଧ୍ୟ ଆହତ ହୋଇଛନ୍ତି ।ପୁନଃନିଯୁକ୍ତି ପାଇଁ କମ୍ପୁଟର ଶିକ୍ଷକଙ୍କ ଧାରଣା, ଫିନାଇଲ ପିଇ ଆତ୍ମହତ୍ୟା ଉଦ୍ୟମମିଳିଥିବା ସୂଚନା ଅନୁଯାୟୀ ଗତ ଦୁଇ ବର୍ଷ ହେଲା ବିନା କାରଣରେ ସରକାର କମ୍ପ୍ୟୁଟର ଶିକ୍ଷକଙ୍କୁ ଛଟେଇ କରିଥିଲେ । କିନ୍ତୁ ମଧ୍ୟ ଆଜି ପର୍ୟ୍ୟନ୍ତ ନିଯୁକ୍ତି ନ ଦେବାରୁ ବାଧ୍ୟ ହୋଇ ଓସେପା କାର୍ୟ୍ୟାଳୟ ସମ୍ମୁଖରେ ଧାରଣା ଦେଇଥିଲେ ରାଜ୍ୟର ୪ହଜାର କମ୍ପ୍ୟୁଟର ଶିକ୍ଷକ । ଯାହାକୁ ନେଇ ଆଜି ଘଟଣାସ୍ଥଳରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା ।
Powered by Froala Editor
