ଆଜି ମୁଖ୍ୟମନ୍ତ୍ରୀଙ୍କ ଯାଜପୁର ଗସ୍ତ
ଯାଜପୁର : ଆଜି ଯାଜପୁର ଜିଲ୍ଲାର କଳିଙ୍ଗନଗର ଗସ୍ତ କରିବେ ମୁଖ୍ୟମନ୍ତ୍ରୀ ମୋହନ ମାଝୀ। କଳିଙ୍ଗନଗରରେ ୧୪ଟି ଜିଲ୍ଲା ପାଇଁ ବିଭିନ୍ନ ପ୍ରକଳ୍ପର ଉଦଘାଟନ ଏବଂ ଭିତ୍ତିପ୍ରସ୍ତର ସ୍ଥାପନ କରିବେ। ୩୯ହଜାର ୩୮୨କୋଟି ଟଙ୍କାର ୪୬ଟି ପ୍ରକଳ୍ପ ଉଦଘାଟନ କରିବେ ମୁଖ୍ୟମନ୍ତ୍ରୀ। ଫଳରେ ରାଜ୍ୟରେ ୪୨ହଜାର ନିଯୁକ୍ତି ସୃଷ୍ଟି ହେବା ନେଇ ଆଶା ରହିଛି। ମୁଖ୍ୟମନ୍ତ୍ରୀ ପୂର୍ବାହ୍ନରେ କଳିଙ୍ଗନଗରରେ ପହଞ୍ଚିବା ପରେ ତେଲିବାହାଳି ପଡିଆରେ ଆୟୋଜିତ ବିଶାଳ ଜନସଭାରେ ଯୋଗଦେବେ। ସୁରକ୍ଷା ଦାୟିତ୍ୱରେ ୨୨ ପ୍ଲାଟୁନ ପୁଲିସ ଫୋର୍ସ, ୧୦୦ ଜଣ ହୋମଗାର୍ଡ ଏବଂ ଅତିରିକ୍ତ ଏସପିଙ୍କ ଠାରୁ ଏଏସ୍ ଆଇ ପାହ୍ୟାର ପ୍ରାୟ ୧୫୦ ଜଣ ଅଧିକାରୀ ମୁତୟନ ରହିବେ।
Powered by Froala Editor
