କାବୁଲ:ତାଲିବାନ ଆତଙ୍କବାଦୀମାନେ ଆଫଗାନିସ୍ତାନର କାର୍ଯ୍ୟକାରୀ ପ୍ରତିରକ୍ଷା ମନ୍ତ୍ରୀ ବିସମିଲ୍ଲା ଖାଁ ମହମାଡିଙ୍କ ଉପରେ ଆକ୍ରମଣ କରିଛନ୍ତି । ତେବେ ଏହି ଆକ୍ରମଣରୁ ବିସମିଲ୍ଲା ବର୍ତ୍ତି ଯାଇଥିବା ବେଳେ ତାଙ୍କର ୮ ସହଯୋଗୀଙ୍କ ମୃତୁ୍ୟ ହୋଇଛି ଓ ୨୦ ଜଣ ଆହତ ହୋଇଛନ୍ତି । ଆଭ୍ୟନ୍ତରୀଣ ମନ୍ତ୍ରଣାଳୟ ମୁଖପାତ୍ର ମିରୱେସ ଷ୍ଟାନକାଜି କହିଛନ୍ତି ଯେ ମଙ୍ଗଳବାର ରାତିରେ ତାଲିବାନମାନେ ପ୍ରତିରକ୍ଷା ମନ୍ତ୍ରୀଙ୍କ ବାସଭବନ ଉପରେ ବୋମାମାଡ଼ ଓ ଗୁଳି ବର୍ଷଣ କରିଥିଲେ । ବୋମାମାଡ଼ ସମୟରେ ମନ୍ତ୍ରୀ ତାଙ୍କ  ବାସଭବନରେ ନଥିଲେ । ତେଣୁ ସେ ଏଥିରୁ ବର୍ତ୍ତି ଯାଇଛନ୍ତି । ତେବେ ବାସଭବନରେ ଥିବା ମନ୍ତ୍ରୀଙ୍କ ପରିବାର ସଦସ୍ୟଙ୍କୁ ସୁରକ୍ଷିତ ସ୍ଥାନାନ୍ତର କରାଯାଇଥିଲା । ଆକ୍ରମଣ ଘଟାଇଥିବା ତାଲିବାନ ବିଦ୍ରୋହୀମାନେ ସୁରକ୍ଷାକର୍ମୀଙ୍କ ପାଲଟା ଗୁଳିରେ ପ୍ରାଣ ହରାଇଥିଲେ । ଷ୍ଟାନବାଜି କହିଛନ୍ତି ଯେ କାବୁଲ ପୋସ ସେରପୁର ଅଞ୍ଚଳରେ ଏହି ଆକ୍ରମଣ ହୋଇଥିଲା । ଗ୍ରୀନ ଜୋନରେ ଥିବା ଏହି ଅଞ୍ଚଳରେ କଡ଼ା ସୁରକ୍ଷା ବ୍ୟବସ୍ଥା ଥିବା ଏହି ଅଞ୍ଚଳରେ କଡ଼ା ସୁରକ୍ଷା ବ୍ୟବସ୍ଥା ଥିବା ସତ୍ତ୍ୱେ ତାଲିବାନ ମାନେ ଆକ୍ରମଣ ଘଟାଇଥିଲେ । ଆକ୍ରମଣ ପରେ ମନ୍ତ୍ରୀ କହିଛନ୍ତି ଯେ ତାଲିବାନମାନେ ତାଙ୍କୁ ଭୟଭୀତ କରିପାରିବେ ନାହିଁ । ଦେଶବାସୀଙ୍କ ସୁରକ୍ଷା ପ୍ରତି ମୋର ପ୍ରତିଶ୍ରୁତିବଦ୍ଧତା ଅତୁଟ ରହିବ ।

Powered by Froala Editor