ଧର୍ମେନ୍ଦ୍ରଙ୍କୁ କଲମ୍ବସ କହିଲେ ବବି ଦାସ, ଫିଡ଼ିକିଗଲା ବିଜେପି
ଭୁବନେଶ୍ୱର : ଭର୍ତୃହରି ମହତାବ ଜଣେ ଅଭିଜ୍ଞ ଓ ଦକ୍ଷ ନେତା । କିନ୍ତୁ ବିଜେଡ଼ି ତାଙ୍କର ସଦୁପଯୋଗ କରୁନାହିଁ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଏଭଳି ଟିପ୍ପଣୀକୁ ନେଇ କଡ଼ା ପ୍ରତିକ୍ରିୟା ପ୍ରକାଶ କରିଛି ବିଜୁ ଜନତା ଦଳ । ବିଜେଡ଼ି ସାଧାରଣ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଧର୍ମେନ୍ଦ୍ରଙ୍କୁ କଟାକ୍ଷ କରି କଲମ୍ବସ ବୋଲି କହିଥିବାବେଳେ ବିଜେପି ବି ପାଲଟା ଆକ୍ରମଣ କରିବାକୁ ପଛାଇନାହିଁ ।
ପ୍ରଥମେ ବବି ଦାସ ନିଜ ଟ୍ୱିଟରେ ଉଲ୍ଳେଖ କରିଥିଲେଯେ, ଭାଇ ଧର୍ମେନ୍ଦ୍ର ପ୍ରଧାନ, ଆପଣ କଲମ୍ବସ ପରି ଭର୍ତୃହରିବାବୁଙ୍କ ବୁଦ୍ଧି ଓ ଅଭିଜ୍ଞତାର ଆବିଷ୍କାର କରିଛନ୍ତି । ମୋର ଅନୁରୋଧ, ଆପଣ ଲାଲକୃଷ୍ଣ ଆଡ଼ଭାନୀଜୀ ଓ ମୁରଲୀ ମନୋହର ଯୋଶୀଜୀଙ୍କ ଅମାପ ଅଭିଜ୍ଞତା ଓ ଦକ୍ଷତାର ମଧ୍ୟ ସେଇଭଳି ସଦୁପଯୋଗ କରନ୍ତୁ । ସେମାନେ ମଧ୍ୟ ଯଥେଷ୍ଟ ବୁଦ୍ଧିମାନ ଓ ବିଜେପି ପାଇଁ ସମର୍ପିତ ।
ଅପରପକ୍ଷରେ ଏହାର ଜବାବ ଦେଇ ବିଜେପି ମୁଖପାତ୍ର ସମ୍ବିତ ପାତ୍ର କହିଛନ୍ତିଯେ, ଭର୍ତୃହରିଙ୍କ ପ୍ରଶଂସା କଲେ ବିଜେପି ଏମିତି ଚିହିଁକି ଉଠୁଛି କାହିଁକି । ଧର୍ମେନ୍ଦ୍ର ପ୍ରଧାନ କଲମ୍ବସ ନୁହଁନ୍ତି । ସେ ଓଡିଶାର ବିକାଶରେ ଗୁଣ୍ଡୁଚିମୂଷାର ଭୂମିକାରେ କାମ କରୁଛନ୍ତି