ଭିଜିଲାନ୍ସ ଜାଲରେ ଟେକ୍ନିସିଆନ
ବରଗଡ: ଭିଜିଲାନ୍ସ ଜାଲରେ ପଦ୍ମପୁର ଡାକ୍ତରଖାନାର ଚକ୍ଷୁ ବିଭାଗରେ କାର୍ୟ୍ୟରତ ଟେକ୍ନିସିଆନ । ଆୟବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଟେକ୍ନିସିଆନ କିଶୋର ଚନ୍ଦ୍ର ପ୍ରଧାନ ଘରେ ଭିଜିଲାନ୍ସ ପକ୍ଷରୁ ଚଢାଉ କରାଯାଇଛି। ଆଜି ଭିଜିଲାନ୍ସ ପକ୍ଷରୁ ଏକକାଳୀନ ଚଢ଼ାଉ କରାଯାଇଛି । ସମ୍ବଲପୁର , ବରଗଡ ଓ ସୋନପୁର ଜିଲ୍ଲାର ଭିଜଲାନ୍ସ ଅଧିକାରୀ ଦୁଇଟି ଟିମ ଗଠନ କରି ଏକ କାଳୀନ ଭାବରେ ପଦ୍ମପୁର କଲେଜ ରୋଡ଼ ସ୍ଥିତ କିଶୋରଙ୍କର ବାସଭବନ ଓ ତାଙ୍କ ପୈତୃକ ଘର ଟାଲ ଗାଁରେ ଚଢାଉ କରିଛନ୍ତି ।
ବର୍ତ୍ତମାନ ଭିଜିଲାନ୍ସ ଟିମ ପକ୍ଷରୁ ବ୍ୟାଙ୍କ ଅକାଉଣ୍ଟ ,ସୁନା ଗହଣା ଏବଂ ଜମିପଟା ମାନ ଯାଞ୍ଚ କରାଯାଉଛି । ସମସ୍ତ ଯାଞ୍ଚ ପ୍ରକ୍ରିୟା ଶେଷ ହେବାପରେ କିଶୋର କେତେ ସମ୍ପତ୍ତିର ମାଲିକ ତାହା ସଠିକ ଜଣାପଡିବ ବୋଲି ଭିଜିଲାନ୍ସ ଅଧିକାରୀ ଜଣାଇଛନ୍ତି ।
Powered by Froala Editor
