ଇ-ରୂପି : ବିନା ଇଂଟରନେଟରେ ହେବ ଡିଜିଟାଲ ପେମେଂଟ
ବର୍ତ୍ତମାନ ଦେଶରେ ଯେଉଁ ସବୁ ଡିଜିଟାଲ୍ ପେମେଣ୍ଟ ବ୍ୟବସ୍ଥା ରହିଛି ତାହାକୁ ବ୍ୟବହାର କରିବା ଲାଗି ଇଣ୍ଟରନେଟ୍ ଓ ବ୍ୟାଙ୍କ ଖାତା ଦରକାର ପଡ଼ୁଛି । ୟୁପିଆଇ ଆସିବା ପରେ ଡିଜିଟାଲ ପେମେଣ୍ଟ ବେଶ ସହଜ ହୋଇପାରିଛି । କିନ୍ତୁ ୟୁପିଆଇକୁ ବ୍ୟବହାର କରିବା ଲାଗି ସ୍ମାର୍ଟଫୋନ, ଇଣ୍ଟରନେଟ ଓ ପେମେଣ୍ଟ ଆପ ଦରକାର ହେଉଛି । ଇଣ୍ଟରନେଟ ସଂଯୋଗ ଥିବା ସ୍ମାର୍ଟଫୋନରେ ୟୁପିଆଇ ପେମେଣ୍ଟ ଆପ ଡାଉନଲୋଡ କରି ସେଥିରେ ନିଜର ବ୍ୟାଙ୍କ ଖାତାକୁ ଯୋଡ଼ିବା ପରେ ହିଁ ପେମେଣ୍ଟ ହୋଇପାରୁଛି । ଏହା ଇଣ୍ଟରନେଟ ସେବା ପହଞ୍ଚିନଥିବା କିମ୍ବା ଦୁର୍ବଳ ସେବା ମିଳୁଥିବା ସ୍ଥାନଗୁଡ଼ିକରେ ଏତେଟା ପ୍ରଭାବଶାଳୀ ସାବ୍ୟସ୍ତ ହୋଇପାରୁନାହିଁ । ସେହି ଅଭାବକୁ ଇ-ରୁପି ଦୂର କରିବ । ସ୍ମାର୍ଟଫୋନ୍ ଓ ଫିଚର ଫୋନ୍ ଉଭୟ ଫୋନରେ ଇ-ରୁପିକୁ ବ୍ୟବହାର କରିହେବ । ଯେଉଁମାନଙ୍କ ସ୍ମାର୍ଟଫୋନ ଅଛି ସେମାନଙ୍କ ପାଖକୁ କୁ୍ୟଆର କୋଡ ଭାବେ ଇ-ରୁପି ଭାଉଚର ପଠାଇହେବ । ଯେଉଁମାନେ ଫିଚର ଫୋନ୍ ବ୍ୟବହାର କରୁଛନ୍ତି ସେମାନଙ୍କ ପାଖକୁ ଏସଏମଏସ ଆକାରରେ ଏହାକୁ ପଠାଇହେବ । ଯେହେତୁ ଇଣ୍ଟରନେଟ ଦରକାର ନାହିଁ ତେଣୁ ଯେକୌଣସି ସ୍ଥାନରେ ଏହାକୁ ନଗଦ ଅର୍ଥର ବିକଳ୍ପ ଭାବେ ବ୍ୟବହାର କରିହେବ ।
Powered by Froala Editor
