ବିଜେପି ନେତାଙ୍କ ଘରୁ ଦୁର୍ବୃତ୍ତ ନେଇଗଲେ ୭୦ଭରି ସୁନା
ପଦ୍ମପୁର : ରାୟଗଡ଼ା ଜିଲା ପଦ୍ମପୁର ଥାନା ଅନ୍ତର୍ଗତ କେନ୍ଦୁଗୁଡ଼ାର ଜଣେ ବିଜେପି ନେତାଙ୍କ ଘରୁ ଦୁର୍ବୃତ୍ତ ୭୦ଭରି ସୁନା ଓ ୨ଲକ୍ଷ ଟଙ୍କା ଚୋରି କରିନେଇଥିବା ଥାନାରେ ଅଭିଯୋଗ ହୋଇଛି। ଘର ବନ୍ଦ ଥିବାର ସୁଯୋଗ ନେଇ ଦୁର୍ବୃତ୍ତ କଳାକନା ବୁଲାଇଥିବା ଏତଲାରେ ଉଲ୍ଲେଖ କରାଯାଇଛି।
ସୂଚନା ଅନୁଯାୟୀ, ଗତ ଜୁଲାଇ ୨୨ରେ ବିଜେପି ଜିଲା ଉପ-ସଭାପତି ଦେବେନ୍ଦ୍ର ପଣ୍ଡା ସପରିବାର ଗଞ୍ଜାମ ଜିଲା ଶେରଗଡ଼ ଅଞ୍ଚଳରେ ଥିବା ନିଜ ଶ୍ୱଶୁରଘରକୁ ଏକ ଭୋଜିରେ ଯୋଗଦେବା ପାଇଁ ଯାଇଥିଲେ। ରବିବାର ସେମାନେ ଘରକୁ ଫେରିବା ପରେ ମୁଖ୍ୟଦ୍ୱାରର ତାଲା ଭଙ୍ଗାଯାଇଥିବା ଦେଖିବାକୁ ପାଇଥିଲେ। ଘର ଆଲମିରାରେ ରଖାଯାଇଥିବା ସବୁତକ ସୁନା ଅଳଙ୍କାର ଏବଂ ନଗଦ ଟଙ୍କା ଦୁର୍ବୃତ୍ତ ନେଇଯାଇଥିବା ସେମାନେ ଦେଖିଥିଲେ। ଏ ସଂପର୍କରେ ଶ୍ରୀ ପଣ୍ଡା ପଦ୍ମପୁର ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ନଂ ୮୫/୨୦୨୬ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ପଦ୍ମପୁର ପୁଲିସ ଘଟଣାସ୍ଥଳରେ ପହଞ୍ଚି ସାଇଣ୍ଟିଫିକ୍ ଟିମ୍ ଏବଂ ଡଗ୍ ସ୍କ୍ୱାଡ୍ ସହାୟତାରେ ତଦନ୍ତ ଆରମ୍ଭ କରିଛି।
Powered by Froala Editor
