ହିମାଚଳ ପ୍ରଦେଶର ପୁଖରୀ ଅଞ୍ଚଳର ଚମ୍ବା-ମାସରୁଣ୍ଡ ରାସ୍ତାରେ ଛତ୍ରୁଣ୍ଡ ନିକଟରେ ବୁଧବାର-ଗୁରୁବାର ରାତିରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ସାତ ଜଣଙ୍କର ମୃତ୍ୟୁ ଘଟିଛି। ଦୁର୍ଘଟଣାଗ୍ରସ୍ତ ବୋଲେରୋ ଗ୍ରାମପଞ୍ଚାୟତ କୁଠେଡ଼ର ଅଂଶ ମାହଲ ଗ୍ରାମର ବୋଲି ଜଣାପଡ଼ିଛି। ମୃତକଙ୍କ ମଧ୍ୟରେ ତିନି ଜଣ ମହିଳା ଏବଂ ତିନି ଜଣ ପୁରୁଷ ଅଛନ୍ତି। 

ସୂଚନାନୁଯାୟୀ, ମହଲ ପଞ୍ଚାୟତର ସପରୋଠ ଗାଁର ଏକ ପରିବାର ମୁଣ୍ଡନ ସଂସ୍କାର ପାଇଁ କାକଡୋଥ ଗାଁକୁ ଯାଇ ଫେରୁଥିଲେ। ବିଳମ୍ଵିତ ରାତିରେ ଛତରୁଣ୍ଡ ପାଖରେ ଭାରସାମ୍ୟ ହରାଇ ବୋଲେରୋଟି ୫୦୦ ମିଟର ଗଭୀର ଖାଇକୁ ଖସି ପଡ଼ିଥିଲା। ଫଳରେ ଘଟଣାସ୍ଥଳରେ ୭ ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ୩ ଭାଇ ଓ ୩ ମହିଳା ଅଛନ୍ତି। ବୋଲେରୋଟି ସମ୍ପୂର୍ଣ୍ଣ ଛିନଛତ୍ର ହୋଇଯାଇଛି। ଘଟଣାସ୍ଥଳରେ ସ୍ଥାନୀୟ ଲୋକଙ୍କ ସହାୟତାରେ ପୁଲିସ ଉଦ୍ଧାର କାର୍ଯ୍ୟ କରିଛି। ଡ୍ରାଇଭର୍ ନିୟନ୍ତ୍ରଣ ହରାଇବାରୁ ବୋଲେରୋଟି ଖାଇକୁ ଖସି ପଡିଥିଲା।

ଘଟଣା ସମ୍ପର୍କରେ ସୂଚନା ପାଇବା ପରେ, ନିକଟବର୍ତ୍ତୀ ଗାଁର ଲୋକମାନେ ପ୍ରଥମେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଗାଁ ଲୋକେ ମୃତଦେହଗୁଡ଼ିକୁ ଉଦ୍ଧାର କରିବା ଖାଇ ଭିତରକୁ ଓହ୍ଲାଇଥିଲେ। ପରେ ପୁଲିସ ଏବଂ ପ୍ରଶାସନ ଦଳ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ। ସ୍ଥାନୀୟ ଲୋକଙ୍କ କହିବା ଅନୁଯାୟୀ ଦୁର୍ଘଟଣାସ୍ଥଳରେ କ୍ରାସ୍ ବ୍ୟାରିୟର ନାହିଁ। 

Powered by Froala Editor