ସବୁ ଟଙ୍କା ଖର୍ଚ୍ଚ ହୋଇଯାଉଛିକି? ଏମିତି କରନ୍ତୁ, ସଞ୍ଚୟ ହେବ ଟଙ୍କା
ଆଜିକାଲି ଘରୁ ଗୋଡ ବାହାର କଲେ ଟଙ୍କାର ଆବଶ୍ୟକତା ପଡିଥାଏ । କେହିକେହି ଟଙ୍କାକୁ ଅଧିକ ପରିମାଣରେ ଖର୍ଚ୍ଚ କରିଥାନ୍ତି ତ କେହିକେହି ଏହାକୁ ଆବଶ୍ୟକତା ଅନୁସାରେ ଖର୍ଚ୍ଚ କରିଥାନ୍ତି । କିନ୍ତୁ ଅନେକ ସମୟରେ ପ୍ରାୟ ଲୋକଙ୍କଠାରେ ଶୁଣାଯାଏ ଯେ, ଟଙ୍କା ସବୁ ଖର୍ଚ୍ଚ ହୋଇଯାଉଛି । ବାସ୍ତବରେ କହିବାକୁ ଗଲେ ଟଙ୍କା ସଞ୍ଚୟ କରିବା ଏକ କଳା ଅଟେ, ଏହି ଗୁଣ ପ୍ରାୟ ସମସ୍ତଙ୍କ ପାଖରେ ନଥାଏ । ଯଦି ଆପଣଙ୍କ ହାତକୁ ଟଙ୍କା ଆସି ମଧ୍ୟ ଶୀଘ୍ର ଖର୍ଚ୍ଚ ହୋଇଯାଉଛି ତେବେ ଆପଣ ଭବିଷ୍ୟତ ପାଇଁ ଯୋଜନା କରିବାକୁ ଅସମର୍ଥ ହେବେ । ତେବେ ଏମିତି କିଛି ଉପାୟ ଅଛି ଯାହା ଦ୍ୱାରା ଆପଣ ଟଙ୍କା ସଞ୍ଚୟ କରିପାରିବେ । ପ୍ରଥମେ ଖର୍ଚ୍ଚର ଏକ ତାଲିକା ପ୍ରସ୍ତୁତ କରନ୍ତୁ । ଏଥିରେ ଛୋଟରୁ ଅତି ଛୋଟ ଖର୍ଚ୍ଚର ମଧ୍ୟ ତାଲିକା ପ୍ରସ୍ତୁତ କରନ୍ତୁ । ଏହା ଦ୍ୱାରା ଆପଣ ଆପଣଙ୍କ ଆୟ ବ୍ୟୟର ସନ୍ତୁଳନ ଜାଣି ପାରିବେ । କ୍ରେଡିଟ୍ କାର୍ଡ ଉପରେ ନିର୍ଭର କରୁଥିବା ବ୍ୟକ୍ତି ସେତିକି ଟଙ୍କା ଖର୍ଚ୍ଚ କରିବା ଉଚିତ୍, ଯେତିକି ଆକାଉଣ୍ଟରେ ଅଛି ଓ ଏହା ସହିତ କେବେ କାହାଠାରୁ କରଜ କରନ୍ତୁ ନାହିଁ । ଯଦି ପୂର୍ବରୁ କିଛି କରଜ କରିଛନ୍ତି, ତେବେ ଏହାକୁ ଯଥାଶୀଘ୍ର ପରିଶୋଧ କରିବାକୁ ଚେଷ୍ଟା କରନ୍ତୁ ଓ ଯେବେ କୌଣସି ଉପାୟରେ ଆପଣଙ୍କ ପାଖକୁ ଅଧିକ ଟଙ୍କା ଆସୁଛି ସେହି ସମୟରେ ଋଣ ସୁଝିବାକୁ ଚେଷ୍ଟା କରନ୍ତୁ । ଏହା କରିବା ଦ୍ୱାରା ଆପଣ ଟଙ୍କା ସଞ୍ଚୟ କରିପାରିବେ ।
Powered by Froala Editor