ହିମାଚଳ ପ୍ରଦେଶ ଓ ଉତ୍ତରାଖଣ୍ଡ ଅମରନାଥ ଗୁମ୍ଫାରେ ଭୟଙ୍କର ବନ୍ୟା ସ୍ଥିତି ଉପୁଜିଛି । ସୋଲାନ୍‌ର ଚମ୍ବାଘାଟରେ ଭୂସ୍ଖଳନ ଯୋଗୁଁ ଜାତୀୟ ରାଜପଥରେ ଯାତାୟତ ଠପ୍ ହୋଇଯାଇଛି । ଲାହୋଲ ସ୍ପିତି ଅଂଚଳରେ ସ୍ଥିତି ସଂଗୀନ ରହିଛି । ବନ୍ୟାଜଳ ମାଡିଯିବାରୁ ସାନସା ନାଲା ଜିଲ୍ଲାରେ ଶହ ଶହ ଲୋକ ଫସିଛନ୍ତି । ବନ୍ୟା ବିଭୀଷିକାର ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କେହି ନିଜର ମୋବାଇଲ୍‌ ରେ ବନ୍ୟାର ଦୃଶ୍ୟକୁ ଭିଡ଼ିଓ କରି ସୋସିଆଲ ମିଡିଆରେ ଅପଲୋଡ କରିଛନ୍ତି । ବାଦଲ ଫଟା ବର୍ଷାରେ କେତେଗୁଡିଏ କ୍ୟାମ୍ପ ଭାସିଯାଉଥିବା ଦେଖାଯାଇଥିଲା ଉଦ୍ଧାର କାର୍ଯ୍ୟରେ ସେନାଙ୍କ ସହ ବିଏସ୍‌ଏଫ୍‌, ସିଆରପିଏଫ୍‌ ଏବଂ ଜମ୍ମୁ ପୋଲିସ ମଧ୍ୟ ନିୟୋଜିତ ଥିବା ଦେଖାଯାଇଥିଲା । ଭୀଷଣ ବର୍ଷା ସମୟରେ ଅମରନାଥ ଗୁମ୍ଫାରେ କେହି ନଥିବା କୁହାଯାଇଛି । 

ଉତ୍ତରାଖଣ୍ଡ ଅମରନାଥ ଗୁମ୍ଫାରେ ଭୟଙ୍କର ବନ୍ୟା ଆସିଛି । ପରିସ୍ଥିତି ଏପରି ଭୟଙ୍କର ହୋଇଛି ଯେ ତେହରି ଅଂଚଳରେ ଲଗାତର ଭୂସ୍ଖଳନ ହେଉଛି । ଫଳରେ ଋିଷିକେଶ-ଚମ୍ବା ଜାତୀୟ ରାଜପଥ -୯୪ ଅବରୋଧ ହୋଇଯାଇଛି । ବଡ ବଡ ପଥର ସହ ମାଟି ଅତଡା ରାସ୍ତା ଉପରେ ପଡିରହିଛି । ଜାତୀୟ ରାଜପଥରେ ଯାତାୟତ ବନ୍ଦ ରହିଛି । ଭୂସ୍କଳନ ଯୋଗୁଁ ଚମ୍ବା-ପଠାନକୋଟ୍ ଜାତୀୟ ରାଜପଥ ବି ବନ୍ଦ ରହିଛି । ପ୍ରଶାସନ ପକ୍ଷରୁ ରାସ୍ତା ଅବରୋଧ ହଟାଯିବା ଉଦ୍ୟମ ଜାରି ରହିଛି । ଉଦ୍ଧାର କାର୍ଯ୍ୟରେ ଆଇଟିବିପି ଓ ବର୍ଡର ରୋଡ୍ ଅର୍ଗନାଇଜେସନର ଯବାନ ନିୟୋଜିତ ହୋଇଛନ୍ତି ।

Powered by Froala Editor