ରେଳଧାରଣା ପାର ସମୟରେ ଧକ୍କା ଦେଲା ଟ୍ରେନ, ଜଣେ ମୃତ
ହରଭଙ୍ଗା : ବୌଦ୍ଧ ଥାନା ଅନ୍ତର୍ଗତ ରଙ୍ଗମାଟିଆ ନିକଟରେ ରେଳଧାରଣା ପାର ସମୟରେ ଟ୍ରେନ ଧକ୍କାରେ ଜଣଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଉଛନ୍ତି ବୌଦ୍ଧ ଥାନା ଲୁଣିବାହାଲ ପଞ୍ଚାୟତର ମଧୁସୂଦନପୁର ଗ୍ରାମର ବିଜୟ ଦଳବେହେରା(୫୨) ବୋଲି ସୂଚନା ମିଳିଛି। ସବୁଦିନ ପରି ଗତକାଲି ରାତିରେ ବିଜୟ ରଙ୍ଗମାଟିଆ ରାଇସମିଲରୁ କାମସାରୀ ଘରକୁ ଫେରୁଥିଲେ। ରଙ୍ଗମାଟିଆ ନିକଟରେ ରେଳଧାରଣା ପାର ହେଉଥିବା ସମୟରେ ତାଙ୍କୁ ଏକ ଦୂତ୍ରଗାମୀ ଟ୍ରେନ ଧକ୍କା ଦେଇଥିଲା। ଫଳରେ ତାଙ୍କର ବାମପାର୍ଶ୍ୱ ଜଙ୍ଘ କଟି ଯିବା ସହିତ ବାମ ହାତ ମୁଣ୍ଡରେ ଆଘାତ ଲାଗିବାରୁ ତାଙ୍କର ମୃତ୍ୟୁ ଘଟିଛି। ବହୁ ଖୋଜାଖୋଜି ପରେ ପରିବାର ଲୋକେ ରାତିରେ ତାଙ୍କ ମୃତଦେହ ଠାବ କରିଥିଲେ।
Powered by Froala Editor
