ଲକ୍ଷ୍ୟ ଏବଂ ଅନନ୍ୟା ପାଣ୍ଡେଙ୍କ ରୋମାଣ୍ଟିକ ଫିଲ୍ମ, ‘ଚାନ୍ଦ ମେରା ଦିଲ୍’, ମେ ମାସରେ ସିନେମା ହଲକୁ ଆସିବ। ଫିଲ୍ମର ଟିଜର ମୁକ୍ତିଲାଭ କରିଛି। ଟିଜର ଦେଖି ସ୍ପଷ୍ଟ ହୋଇଛି ଯେ ଏହା ଭାବପ୍ରବଣ ପ୍ରେମ କାହାଣୀ ହେବାକୁ ଯାଉଛି ଯାହା ଆଜିର ଯୁବପିଢ଼ିଙ୍କୁ ଖୁବ ପସନ୍ଦ ଆସିବ। 

ଏହି ଟିଜରଟି ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି। ଜଣେ ଲେଖିଛନ୍ତି, "ଭାଗ୍ୟ ହି ଏମିତି, ପୁରୁଣା ଏବଂ ମହାନ ପ୍ରେମ କାହାଣୀର ସବୁବେଳେ ଦୁଃଖଦ ଅନ୍ତ ହୋଇଥାଏ।" ଆଉ ଜଣେ ପ୍ରଶଂସକ ନିଜର ଉତ୍ସାହ ପ୍ରକାଶ କରି କହିଛନ୍ତି, "ମୁଁ ଏହାକୁ ବଡ଼ ପରଦାରେ ଦେଖିବାକୁ ଅପେକ୍ଷା କରିପାରୁ ନାହିଁ। ଲକ୍ଷ୍ୟଙ୍କ ସ୍ୱର ଏବଂ ଅନନ୍ୟାଙ୍କ ସୌନ୍ଦର୍ଯ୍ୟର ମିଶ୍ରଣ ପ୍ରକୃତରେ ପ୍ରଶଂସକଙ୍କ ହୃଦୟ ଜିତିଛି।"

"ଚାନ୍ଦ ମେରା ଦିଲ"ର ଯୋଡିକୁ ନିଜ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ସେୟାର କରି ଲେଖିଛନ୍ତି, "ସବୁ ପ୍ରଥମ ପ୍ରେମକୁ ଦ୍ୱିତୀୟ ସୁଯୋଗ ମିଳେ ନାହିଁ। ଆରବ ଏବଂ ଚାନ୍ଦନୀଙ୍କ ପ୍ରେମ ଯାତ୍ରାର ସାକ୍ଷୀ ରୁହନ୍ତୁ। ଏହି ଫିଲ୍ମଟି ମେ ୨୨ ତାରିଖରେ ସାରା ବିଶ୍ୱରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି।"

ଫିଲ୍ମର ଟ୍ୟାଗଲାଇନ୍ ହେଉଛି "ପ୍ରେମରେ ତୁମକୁ ଟିକେ ପାଗଳ ହେବାକୁ ପଡିବ", ଯାହା ସ୍ପଷ୍ଟ ଭାବରେ ସୂଚାଉଛି ଯେ ଏହି କାହାଣୀ କେତେ ଗଭୀର ଏବଂ ଆଗ୍ରହପୂର୍ଣ୍ଣ ହେବ। 

Powered by Froala Editor