କୋରାପୁଟରେ ଭୂମିକମ୍ପ ଝଟକା
ଜୟପୁର: କୋରାପୁଟ ଜିଲାରେ ମୃଦୁ ଭୂମିକମ୍ପ ଅନୁଭୂତ ହୋଇଛି । କୋରାପୁଟ ଜିଲା ଏକାଧିକ ସ୍ଥାନରେ ଭୂମିକମ୍ପ ଝଟକା ଅନୁଭୂତ ହୋଇଥିବା ସୂଚନା ମିଳିଛି । ସୁନାବେଡା, ସେମିଳିଗୁଡା, ଦାମନଯୋଡ଼ି, ମାଛକୁଣ୍ଡ, କୋରାପୁଟ, ଜୟପୁର ସମେତ ଗ୍ରାମାଞ୍ଚଳରେ ଭୂମିକମ୍ପ ଝଟକା ଅନୁଭୂତ ହୋଇଛି। ଜୟପୁର ସହରରେ ରାତି ୧୧ଟା ୩୦ ମିନିଟ ସମୟରେ ହଠାତ ଭୂମିକମ୍ପ ହୋଇଥିଲା। କିଛି ସମୟ ରାସ୍ତା ଉପରେ ଲୋକେ ରୁଣ୍ଡ ହୋଇଥିଲେ । ଭୂମିକମ୍ପର ତୀବ୍ରତା ଜଣାପଡିନାହିଁ । ଏଥିରେ କୌଣସି କ୍ଷୟକ୍ଷତି ହୋଇଥିବା ନେଇ ସୂଚନା ନାହିଁ । ଏହାକୁ ନେଇ ଲୋକେ କିଛି ସମୟ ପାଇଁ ଭୟଭୀତ ହୋଇଥିଲେ । ୨୫ ବର୍ଷ ତଳେ ଏପରି ଭୂମିକମ୍ପ ଜିଲାରେ ଅନୁଭୂତ ହୋଇଥିଲା ବୋଲି କିଛି ବରିଷ୍ଠ ଲୋକ କହିଛନ୍ତି ।
Powered by Froala Editor
