ମହାରାଷ୍ଟ୍ରର ନାନ୍ଦେଡ଼ ଜିଲାରେ ୨୮ ବର୍ଷୀୟ ପାଣ୍ଡୁରଙ୍ଗ ରୋଣ୍ଡମଙ୍ଗଲେ ନାନ୍ଦେଡ଼ର କେରୁର ଗାଁରେ ଏକ ସେଲୁନ ଚଳାନ୍ତି। ପାଣ୍ଡୁରଙ୍ଗଙ୍କ ସ୍ବପ୍ନ ଥିଲା ସରପଞ୍ଚ ନିର୍ବାଚନ ଲଢ଼ିବା। ଜୁନ ୨୦୨୬ରେ ହେବାକୁ ଥିବା ପଞ୍ଚାୟତ ନିର୍ବାଚନରେ ତାଙ୍କୁ ଏହି ସୁଯୋଗ ମିଳିବାକୁ ସ୍ଥିର ହୋଇଥିଲା। କିନ୍ତୁ ମହାରାଷ୍ଟ୍ର ସରକାରଙ୍କ ଏକ ନିୟମ ତାଙ୍କ ସ୍ବପ୍ନକୁ ବାଧା ଦେଇଥିଲା।

ଫଳରେ ସେ ଏକ ଭୟଙ୍କର ପଦକ୍ଷେପ ନେଇଥିଲେ। ଏକ କେନାଲକୁ ଝିଅକୁ ଠେଲି ଦେଇଥିଲେ ଏବଂ ଘଟଣାସ୍ଥଳରୁ ପଳାଇ ଯାଇଥିଲେ। ପାଖରେ ଥିବା ଶ୍ରମିକମାନେ କେନାଲରେ କିଛି ପଡ଼ିବା ଶୁଣି କେନାଲ ପାଖକୁ ଦୌଡ଼ି ଯାଇଥିଲେ, କିନ୍ତୁ ସେତେବେଳକୁ ଝିଅଟିର ମୃତ୍ୟୁ ହୋଇସାରିଥିଲା। ତାଙ୍କ ମୃତଦେହ କେନାଲରେ ଭାସୁଥିଲା।

ପାଣ୍ଡୁରଙ୍ଗଙ୍କ ପରିବାରରେ ତାଙ୍କ ସ୍ତ୍ରୀ, ଗୋଟିଏ ପୁଅ ଏବଂ ଦୁଇଟି ଯାଆଁଳା ଝିଅ ଥିଲେ। ତେଣୁ ନିୟମ ଅନୁୟାୟୀ, ସେ ଏହି ପଦବୀ ପାଇଁ ଲଢ଼ି ପାରିବେ ନାହିଁ। ତେଣୁ ତାଙ୍କ ବନ୍ଧୁ ଗଣେଶ ସିନ୍ଦେଙ୍କ ସାହାଯ୍ୟରେ ସେ ଯାଆଁଳା ଝିଅଙ୍କ ମଧ୍ୟରୁ ଜଣଙ୍କୁ ହଟାଇବା ପାଇଁ ଚେଷ୍ଟା କରିଥିଲେ। ୬ ବର୍ଷର ପ୍ରାଚୀ ଯାଆଁଳା ସନ୍ତାନମାନଙ୍କ ମଧ୍ୟରୁ ବଡ଼ ଥିଲେ।

ଝିଅଟିକୁ ହତ୍ୟା କରି ଏହାକୁ ଏକ ଦୁର୍ଘଟଣା ବୋଲି ଦେଖାଇ ଥିଲେ ପାଣ୍ଡୁରଙ୍ଗ । ତାଙ୍କ ଝିଅ ପ୍ରାଚୀଙ୍କୁ ଗାଁରୁ ତେଲଙ୍ଗାନାର ନିଜାମାବାଦ ଜିଲାକୁ କିଛି କିଲୋମିଟର ଦୂରରେ ଏକ ସ୍ଥାନକୁ ବୁଲାଇବାକୁ ନେଇଗଲେ। ଏହି ସମୟରେ ସେଠାରେ ଥିବା ଏକ କେନାଲକୁ ଝିଅକୁ ଠେଲି ଦେଇଥିଲେ । ପାଖରେ ଥିବା ଶ୍ରମିକମାନେ କେନାଲରେ କିଛି ପଡ଼ିବା ଶୁଣି କେନାଲ ପାଖକୁ ଦୌଡ଼ି ଯାଇଥିଲେ, କିନ୍ତୁ ସେତେବେଳକୁ ଝିଅଟିର ମୃତ୍ୟୁ ହୋଇସାରିଥିଲା। ପୋଲିସ ପୂର୍ବରୁ ହତ୍ୟା ଦିଗକୁ ତଦନ୍ତ କରୁଥିଲା। ପ୍ରାଚୀଙ୍କ ବାପାଙ୍କୁ ତାଙ୍କ ଘରେ ପଚରାଉଚରା କରାଯାଇଥିଲା।

ପାଣ୍ଡୁରଙ୍ଗ ପ୍ରଥମେ ପୋଲିସକୁ ଦାବି କରିଥିଲେ ଯେ, ତାଙ୍କ ଝିଅ ଏକ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଛି। ପରେ ସେ ଅପରାଧ ସ୍ବୀକାର କରିଥିଲେ ଏବଂ ପୋଲିସକୁ କହିଥିଲେ ଯେ, ସେ ତାଙ୍କ ଝିଅକୁ ହତ୍ୟା କରିଛନ୍ତି।

Powered by Froala Editor