ୟୁକ୍ରେନକୁ ସମ୍ପୂର୍ଣ୍ଣ ବରବାଦ କରିଦିଆଯିବ ବୋଲି ରୁଷର ଚେତାବନୀ
ମସ୍କୋ: ୟୁକ୍ରେନକୁ ଏବେ ରୁଷ ସେନା ଚାରିପଟୁ ଘେରି ରହିଛନ୍ତି । ୟୁରୋପକୁ ଲାଗିଥିବା ୟୁକ୍ରେନର ସମସ୍ତ ସୀମାକୁ ରୁଷର ସ୍ଥଳସେନା ଏବଂ ବାୟୁସେନା ଘେରି ରହିଥିବାରୁ ୟୁରୋପରେ ହାଇ ଆଲର୍ଟ ସ୍ଥିତି ଉପୁଜିଛି । ୟୁକ୍ରେନକୁ ସମ୍ପୂର୍ଣ୍ଣ ବରବାଦ କରିଦିଆଯିବ ବୋଲି ରୁଷ ଚେତାବନୀ ଦେବା ପରେ ଆମେରିକା କୃଷ୍ଣ ସାଗରରେ ନିଜର ଦୁଇଟି ବିଶାଳ ଯୁଦ୍ଧ ଜାହାଜ ପଠାଇବାକୁ ପ୍ରସ୍ତୁତି କରିିଛି । ପୂର୍ବ ୟୁରୋପର ବିବାଦୀୟ ଅଞ୍ଚଳ ଡୋନବାସରେ ରୁଷର ସୈନ୍ୟ ମୁତୟନ ରହିଛନ୍ତି ଏବଂ ଯେ କୌଣସି ସମୟରେ ବଡ଼ ଆକ୍ରମଣ ଆରମ୍ଭ କରିପାରନ୍ତି ବୋଲି ୟୁରୋପୀୟ ସଂଘ ଆଶଙ୍କା କରୁଛି । ଆମେରିକାର ଯୁଦ୍ଧ ଜାହାଜ ୧୫ ଏପି୍ରଲରେ ତୁର୍କୀ ଅତିକ୍ରମ କରିବ ଏବଂ ଏହା ପହଞ୍ଚିବା ପରେ ଉତ୍ତେଜନା ଆହୁରି ବଢ଼ିବ । ଆମେରିକା ମଧ୍ୟ ରୁଷକୁ ଚେତାବନୀ ଦେଇ କହିଛି ଯେ ୟୁକ୍ରେନ ଉପରେ ଆକ୍ରମଣ ହେଲେ ଏହାର ପରିଣାମ ରୁଷକୁ ଭୋଗିବାକୁ ପଡ଼ିବ ।
