ସିମେଣ୍ଟ ମାନୁଫାକ୍ଚରର୍ସ ଆସୋସିଏସନ (ସିଏମ୍ଏ) ପ୍ରେସିଡେଣ୍ଟ ଭାବରେ ଶ୍ରୀ ପାର୍ଥ ଜିନ୍ଦଲଙ୍କ ନାମ ଘୋଷଣା କଲା; ଡ. ରାଘବପତ୍ ସିଂଘାଣିଆ ଭାଇସ୍ ପ୍ରେସିଡେଣ୍ଟ ଘୋଷିତ
ନୂଆଦିଲ୍ଲୀ: ଭାରତରେ ସିମେଣ୍ଟ ଉତ୍ପାଦନକାରୀମାନଙ୍କର ଶୀର୍ଷ ପରିଷଦ ସିମେଣ୍ଟ ମାନୁଫାକ୍ଚରର୍ସ ଆସୋସିଏସନ (ସିଏମ୍ଏ) ଜେଏସ୍ଡବ୍ଲୁ୍ୟ ସିମେଣ୍ଟ ଲିମିଟେଡର ମ୍ୟାନେଜିଂ ଡାଇରେକ୍ଟର ଶ୍ରୀ ପାର୍ଥ ଜିନ୍ଦଲଙ୍କୁ ସିଏମ୍ଏର ନୂତନ ପ୍ରେସିଡେଣ୍ଟ ଭାବରେ ଚଳିତ ବର୍ଷ ଡିସେମ୍ବର ୧୮ ତାରିଖରେ ଅନୁଷ୍ଠିତ ବାର୍ଷିକ ସାଧାରଣ ବୈଠକରେ ଘୋଷଣା କରିଛି । ଜେ କେ ସିମେଣ୍ଟ ଲିମିଟେଡର ମ୍ୟାନେଜିଂ ଡାଇରେକ୍ଟର ଡ. ରାଘବପତ୍ ସିଂଘାଣିଆ ଆସୋସିଏସନର ଭାଇସ୍ ପ୍ରେସିଡେଣ୍ଟ ଦାୟିତ୍ୱ ଗ୍ରହଣ କରିଛନ୍ତି । ଶ୍ରୀ ଜିନ୍ଦଲ ବିଦାୟୀ ପ୍ରେସିଡେଣ୍ଟ ତଥା ଶ୍ରୀ ସିମେଣ୍ଟ ଲିମିଟେଡର ମ୍ୟାନେଜିଂ ଡାଇରେକ୍ଟରଙ୍କ ନିକଟରୁ ନୂତନ ପ୍ରେସିଡେଣ୍ଟ ଦାୟିତ୍ୱ ଗ୍ରହଣ କରିଛନ୍ତି । ସିଏମ୍ଏ ସଦସ୍ୟଗଣ ସର୍ବସମ୍ମତ କ୍ରମେ ନୂତନ ପ୍ରେସିଡେଣ୍ଟ ଓ ଭାଇସ୍ ପ୍ରେସିଡେଣ୍ଟଙ୍କ ନାମରେ ମୋହର ମାରିବା ସହିତ ଆସୋସିଏସନର ନେତୃତ୍ୱ ନେବାରେ ଏହି ଦୁଇ ବ୍ୟକ୍ତିତ୍ୱଙ୍କ ଉପରେ ସେମାନଙ୍କର ଆସ୍ଥା ପୁନଃ ଦୃଢତାର ସହିତ ପ୍ରକଟ କରିଥିଲେ ।
ସିଏମ୍ଏ ଇତିହାସରେ ପ୍ରଥମ ଥର ପାଇଁ ଆସୋସିଏସନ ଯୁବ ପିଢିର ପ୍ରେସିଡେଣ୍ଟ ଓ ଭାଇସ୍ ପ୍ରେସିଡେଣ୍ଟଙ୍କ ଦ୍ୱାରା ପରିଚାଳିତ ହେବ, ଯେଉଁମାନଙ୍କର ପ୍ରଗତିଶୀଳ ଦୂରଦୃଷ୍ଟି ଏବଂ ବିକାଶକାରୀ ଚିନ୍ତାଧାରାଗୁଡିକ ସିଏମ୍ଏକୁ ଏବଂ ଏହାର ଦୀର୍ଘସ୍ଥାୟୀ କାର୍ଯ୍ୟାବଳୀକୁ ସୁଦୃଢ କରିବ ।
ଶ୍ରୀ ପାର୍ଥ ଜିନ୍ଦଲ ହେଉଛନ୍ତି ଜେଏସ୍ଡବ୍ଲୁ୍ୟ ସିମେଣ୍ଟ ଲିମିଟେଡର ମ୍ୟାନେଜିଂ ଡାଇରେକ୍ଟର । ସିଏମ୍ଏରେ ଶ୍ରୀ ଜିନ୍ଦଲ ଆସୋସିଏନର ୬୦ ବର୍ଷରେ ଇତିହାସରେ ସର୍ବକନିଷ୍ଠ ନିର୍ବାଚିତ ପ୍ରେସିଡେଣ୍ଟ ହୋଇଛନ୍ତି ଏବଂ ସେ ଭାରତୀୟ ସିମେଣ୍ଟ ଶିଳ୍ପ ସମ୍ମୁଖୀନ ହେଉଥିବା ମୁଖ୍ୟ ଚାଲେଞ୍ଜଗୁଡିକ ପ୍ରତି ଦୃଷ୍ଟିଦେବା ଏବଂ ଏହାକୁ ନୂତନ ଶକ୍ତି ଓ ଦୃଷ୍ଟିକୋଣ ପ୍ରଦାନ କରିବା ଆଶା କରାଯାଉଛି ।
ପ୍ରେସିଡେଣ୍ଟ ଭୂମିକାରେ ଶ୍ରୀ ଜିନ୍ଦଲ ଦୀର୍ଘସ୍ଥାୟୀ ନିର୍ମାଣ କାର୍ଯ୍ୟାଭ୍ୟାସ, ଶକ୍ତି ରୂପାନ୍ତରଣ (ଅଙ୍ଗାରକ ମୁକ୍ତ) ଏବଂ ଜଲିଷ୍ଟିକ୍ସର ଶୀର୍ଷକରଣ ଉପରେ ଗୁରୁତ୍ୱ ପ୍ରଦାନ କରି ସିଏମ୍ଏର ନୀତିଗତ କାର୍ଯ୍ୟସୂଚୀଗୁଡିକୁ ନୀତି ନିର୍ଦ୍ଧାରଣକାରୀ, ନିୟାମକ ଏବଂ ଅନ୍ୟ ସହଭାଗୀମାନଙ୍କ ସହିତ ଆଗେଇ ନେବେ ଏବଂ ସିମେଣ୍ଟ ଶିଳ୍ପର ସାମୂହିକ ସ୍ୱର ଏବଂ ଅଗ୍ରାଧିକାରତାକୁ ସିଏମ୍ଏରେ ଉପସ୍ଥାପନ କରିବେ । ଏଥିସହିତ ସିଏମ୍ଏ ସଦସ୍ୟତା ସଂଖ୍ୟା ବୃଦ୍ଧି କରିବା ମଧ୍ୟ ତାଙ୍କର ଏକ ମୁଖ୍ୟ ଅଗ୍ରାଧିକାର କାର୍ଯ୍ୟ ହେବ ।
ତାଙ୍କର ନିର୍ବାଚନ ସମ୍ପର୍କରେ ପ୍ରକାଶ କରି ଶ୍ରୀ ପାର୍ଥ ଜିନ୍ଦଲ, ପ୍ରେସିଡେଣ୍ଟ, ସିମେଣ୍ଟ ମାନୁଫାକ୍ଚରର୍ସ ଆସୋସିଏସନ୍ (ସିଏମ୍ଏ) କହିଥିଲେ, “ସିଏମ୍ଏର ପ୍ରେସିଡେଣ୍ଟ ଦାୟିତ୍ୱ ଗ୍ରହଣ କରି ମୁଁ ଅତ୍ୟନ୍ତ ଆନନ୍ଦିତ ଅଛି । ସିମେଣ୍ଟ ଶିଳ୍ପ ସମ୍ପ୍ରତି ଦ୍ରୁତ ଭିତ୍ତିଭୂମି ଅଭିବୃଦ୍ଧି ଓ ଦୀର୍ଘସ୍ଥାୟୀ ଅନିବାର୍ଯ୍ୟତା ମଧ୍ୟରେ ସନ୍ତୁଳନ ରକ୍ଷା କରୁଛି । କେନ୍ଦ୍ର ଓ ରାଜ୍ୟ ସ୍ତରରେ ନୀତି ନିର୍ଦ୍ଧାରଣକାରୀଙ୍କ ସହିତ ଗଭୀର ସହଯୋଗୀତା ରକ୍ଷା କରିବା ଉପରେ ମୋର ଦୃଷ୍ଟିନିବଦ୍ଧ ରହିବ ଯାହାଦ୍ୱାରା ଭାରତୀୟ ସିମେଣ୍ଟ ଶିଳ୍ପ ବିଶ୍ୱସ୍ତରରେ ପ୍ରତିଯୋଗିତାମୂଳକ ରହିବା ସହିତ ଭାରତର ଦୀର୍ଘସୂତ୍ରୀ ବିକାଶ ଲକ୍ଷ୍ୟସମୂହ ପ୍ରତି ଅବଦାନ ରଖିବାରେ ଏକନିଷ୍ଠ ରହିବା ସୁନିଶ୍ଚିତ ହୋଇପାରିବ ।”
ଡ. ରାଘବପତ୍ ସିଂଘାଣିଆ, ଭାଇସ୍ ପ୍ରେସିଡେଣ୍ଟ, ଜେ କେ ସିମେଣ୍ଟ ଲିମିଟେଡ ଜଣେ ପୋଖତ ବ୍ୟବସାୟିକ ନେତୃତ୍ୱ ଏବଂ ତାଙ୍କର ଗ୍ରେ ଓ ହ୍ୱାଇଟ ସିମେଣ୍ଟ ଶିଳ୍ପରେ ବ୍ୟାପକ ଅଭିଜ୍ଞତା ରହିଛି । ନୂତନ ଯୁଗର ନିର୍ମାଣ ସାମଗ୍ରୀ ସମ୍ପର୍କରେ ଗବେଷଣା କରିବାରେ ତାଙ୍କର ଗଭୀର ଆଗ୍ରହ ରହିଛି । ଏହି କ୍ଷେତ୍ରରେ ତାଙ୍କର ବ୍ୟାପକ ଅନୁଭୂତି ସହିତ ଶ୍ରୀ ସିଂଘାଣିଆ ଶିଳ୍ପ ସପକ୍ଷରେ ମଜଭୁତ ଯୁକ୍ତି ଉପସ୍ଥାପନ ଏବଂ ନିୟୋଜନତା ଦ୍ୱାରା ସିଏମ୍ଏର ଲକ୍ଷ୍ୟସମୂହକୁ ଆଗକୁ ଆଗେଇନେବା ଆଶା କରାଯାଉଛି ।
ଡ. ରାଘାବପତ୍ ସିଂଘାଣିଆ, ଭାଇସ୍ ପ୍ରେସିଡେଣ୍ଟ, ସିମେଣ୍ଟ ମାନୁଫାକ୍ଚରର୍ସ ଆସୋସିଏସନ (ସିଏମ୍ଏ) କହିଥିଲେ, “ସିମେଣ୍ଟ ମାନୁଫାକ୍ଚରର୍ସ ଆସୋସିଏସନର ଭାଇସ୍ ପ୍ରେସିଡେଣ୍ଟ ଦାୟିତ୍ୱ ଗ୍ରହଣ କରି ନିଜକୁ ମୁଁ ଗୋ÷ରବାନ୍ୱିତ ମନେ କରୁଛି । ଭାରତୀୟ ସିମେଣ୍ଟ ଶିଳ୍ପ ଏକ ଗୁରୁତ୍ୱପୂର୍ଣ୍ଣ ସନ୍ଧିକ୍ଷଣରେ ରହିଛି, ଯେଉଁଠାରେ ଦାୀର୍ଘସ୍ଥାୟିତା, ନବସୃଜନ ଏବଂ ପ୍ରତିଦ୍ୱନ୍ଦ୍ୱିତା ସାମର୍ଥ୍ୟ ଏକତ୍ର ଆଗକୁ ବଢିବାର ଜରୁରୀ ଆବଶ୍ୟକତା ରହିଛି । ସିଏମ୍ଏ ଭାରତ ସରକାରଙ୍କର୨୦୭୦ ସୁଦ୍ଧା ନେଟ୍ ଜିରୋ ଲକ୍ଷ୍ୟ ମୁତାବକ କାର୍ଯ୍ୟ କରୁଛି । ଆମର କାର୍ଯ୍ୟକଳାପ ଏବଂ ଭାରତର ଅଭିବୃଦ୍ଧି ତଥା ରାଷ୍ଟ୍ର ନିର୍ମାଣ ନିମନ୍ତେ ଆମର ନିରନ୍ତର ସହଭାଗୀତା ନିମନ୍ତେ ଆମର ନୀତିଗତ କାର୍ଯ୍ୟାବଳୀକୁ ଅଧିକ ଆଗେଇନେବା ନିମନ୍ତେ ସିଏମ୍ଏ କମ୍ପାନୀଗୁଡିକ ସହିତ ଘନିଷ୍ଠ ଭାବରେ କାର୍ଯ୍ୟ କରିବାକୁ ମୁଁ ଆଗ୍ରହ ରଖୁଛି ।”
ସମ୍ମିଳିତ ଭାବରେ ପ୍ରେସିଡେଣ୍ଟ ଏବଂ ଭାଇସ୍ ପ୍ରେସିଡେଣ୍ଟ ସିଏମ୍ଏକୁ ଏକ ସୋ÷ହାର୍ଦ୍ଦାପୂର୍ଣ୍ଣ ଏବଂ ଭବିଷ୍ୟତ ସମ୍ବଳିତ ନେତୃତ୍ୱ ପ୍ରଦାନ କରିବା ଆଶା କରାଯାଉଛି, ଯେଉଁଥିରେ ତାଜା ଦୃଷ୍ଟିକୋଣ ସହିତ ରଣକୋ÷ଶଳାତ୍ମକ ସ୍ୱଚ୍ଛତା ରହିଥିବ । ସିଏମ୍ଏର ନୀତିସମୂହ ସପକ୍ଷରେ ଯୁକ୍ତିକୁ ଅଧିକ ବଳଶାଳୀ କରିବା ତଥା ରାଷ୍ଟ୍ରନିର୍ମାଣ, ଭିତ୍ତିଭୂମିର ବିକାଶ ଏବଂ ଏକ ବିକଶିତ ଭାରତ ନିମନ୍ତେ ଦେଶର ଯାତ୍ରାରେ ସିମେଣ୍ଟ କ୍ଷେତ୍ରର ଗୁରୁତ୍ୱପୂର୍ଣ୍ଣ ଭୂମିକାକୁ ପୁନଃଦୃଢୀକରଣ କରିବାରେ ସେମାନଙ୍କର ସମ୍ମିଳିତ ଆଭିମୁଖ୍ୟ ଆଶା କରାଯାଉଛି ।
Powered by Froala Editor
