ସବୁଠାରୁ ବଡ଼ ଶ୍ରମ ସଂସ୍କାର ପଦକ୍ଷେପରେ ମୋଦି ସରକାର ନଭେମ୍ବର ୨୧ ତାରିଖରେ ୨୯ଟି ପୁରୁଣା ଶ୍ରମ ଆଇନକୁ ଉଚ୍ଛେଦ କରି ଦେଶବ୍ୟାପୀ ଚାରୋଟି ନୂତନ ଶ୍ରମ ସଂହିତା ଲାଗୁ କରିଛନ୍ତି।

କେନ୍ଦ୍ର ସରକାର ଶୁକ୍ରବାର ଏକ ଐତିହାସିକ ନିଷ୍ପତ୍ତି କ୍ରମେ ୪ ନୂଆ ଶ୍ରମ ଆଇନକୁ ଦେଶବ୍ୟାପୀ ଲାଗୁ କରିଛନ୍ତି । ଏହି ନିଷ୍ପତ୍ତି ଦ୍ୱାରା ବର୍ଷ ବର୍ଷ ଧରି ପ୍ରଚଳିତ ହୋଇ ଆସିଥିବା ପୁରୁଣା ତଥା ଜଟିଳ ଆଇନ ସମାପ୍ତ ହେବ । କର୍ମଚାରୀମାନଙ୍କ ଉତ୍ପାଦକତା ବଢ଼ାଇବାରେ ଏହା ପ୍ରମୁଖ ଭୂମିକା ଗ୍ରହଣ କରିବ । ସରକାର ପୁରୁଣା ୨୯ଟି କେନ୍ଦ୍ରୀୟ ଶ୍ରମ ଆଇନକୁ ଶେଷ କରି ଏହାକୁ ୪ଟି କୋଡ୍ ବଦଳାଇଛନ୍ତି । ଉକ୍ତ ୪ଟି ଶ୍ରମ କୋଡ୍ ହେଲା, କୋଡ୍ ଅନ୍ ୱେଜେସ-୨୦୧୯, ଇଣ୍ଡଷ୍ଟ୍ରିଆଲ ରିଲେସନ୍ସ କୋଡ୍-୨୦୨୦, କୋଡ୍ ଅନ୍ ସୋସିଆଲ ସିକ୍ୟୁରିଟି-୨୦୨୦ ଏବଂ ଅକ୍ୟୁପେସ୍ନାଲ ସେଫ୍ଟି, ହେଲ୍ଥ ଆଣ୍ଡ୍ ୱାର୍କିଂ କଣ୍ଡିସନ୍ସ (ଓଏସ୍ଏଚ୍ଡବ୍ଲ୍ୟୁସି କୋଡ୍-୨୦୨୦ ।

ସରକାର ଦାବି କରିଛନ୍ତି ଯେ ଏହି ପରିବର୍ତ୍ତନଗୁଡ଼ିକ ଏକ ଆତ୍ମନିର୍ଭରଶୀଳ ଭାରତ ଆଡ଼କୁ ଏକ ଐତିହାସିକ ପଦକ୍ଷେପ, ଦେଶର ନିଯୁକ୍ତି ଏବଂ ଶିଳ୍ପ ବ୍ୟବସ୍ଥାକୁ ପୁନଃପରିଭାଷିତ କରୁଛି। ନୂତନ ନିୟମ ୪୦୦ ନିୟୁତରୁ ଅଧିକ ଶ୍ରମିକଙ୍କୁ ସାମାଜିକ ସୁରକ୍ଷା କଭରେଜ୍ ପ୍ରଦାନ କରିବ, ଯାହା ପୂର୍ବରୁ କେବେ ସମ୍ଭବ ହୋଇନଥିଲା।

ଏବେ ପ୍ରତ୍ୟେକ କର୍ମଚାରୀଙ୍କୁ ନିଯୁକ୍ତି ପତ୍ର ପ୍ରଦାନ କରିବାକୁ ପଡିବ। ସାରା ଦେଶରେ ଏକ ସର୍ବନିମ୍ନ ମଜୁରୀ କାର୍ଯ୍ୟକାରୀ ହେବ ଏବଂ ସମୟସୀମା ମଧ୍ୟରେ ମଜୁରୀ ପ୍ରଦାନ ବାଧ୍ୟତାମୂଳକ ହେବ। ୪୦ ବର୍ଷରୁ ଅଧିକ ବୟସର କର୍ମଚାରୀମାନଙ୍କୁ ବର୍ଷକୁ ଥରେ ମାଗଣା ସ୍ୱାସ୍ଥ୍ୟ ପରୀକ୍ଷା କରାଯିବ। ଖଣି, ରାସାୟନିକ ପଦାର୍ଥ ଏବଂ ନିର୍ମାଣ ଭଳି ବିପଦପୂର୍ଣ୍ଣ କ୍ଷେତ୍ରରେ କାମ କରୁଥିବା କର୍ମଚାରୀମାନଙ୍କୁ ପୂର୍ଣ୍ଣ ସ୍ୱାସ୍ଥ୍ୟ କଭରେଜ୍ ମିଳିବ।

ପୂର୍ବରୁ ପାଞ୍ଚ ବର୍ଷ ଚାକିରି ପରେ ମିଳୁଥିବା ଗ୍ରାଚ୍ୟୁଇଟି ଏବେ କେବଳ ଗୋଟିଏ ବର୍ଷ ସ୍ଥାୟୀ ଚାକିରି ପରେ ମିଳିବ। ଏହା ଘରୋଇ କ୍ଷେତ୍ରର କର୍ମଚାରୀଙ୍କ ପାଇଁ ଏକ ପ୍ରମୁଖ ସୁବିଧା। କର୍ମଚାରୀମାନେ ଏବେ ଦୁଇଗୁଣ ହାରରେ ଓଭରଟାଇମ୍ ଦରମା ପାଇବେ। 

Powered by Froala Editor