ହିଡମା ମୃତ୍ଯୁ ପରେ ୩୭ ମାଓବାଦୀଙ୍କ ଆତ୍ମସମର୍ପଣ
ଦୁର୍ବଳ ହେଉଛି ମାଓଗଡ଼ । ହିଡମା ମୃତ୍ଯୁ ପରେ ଏବେ ଜଣକ ପରେ ଜଣେ ମାଓବାଦୀ ଆସି ଆତ୍ମସମର୍ପଣ କରୁଛନ୍ତି। ବିପୁଳ ଅସ୍ତ୍ରଶସ୍ତ୍ର ସହ ତେଲେଙ୍ଗାନା ପୁଲିସ ନିକଟରେ ଶନିବାର ୩୭ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି । ପ୍ରଶାସନ ଆଗାମୀ କିଛି ବର୍ଷ ଭିତରେ ମାଓ ସଂଗଠନକୁ ସମ୍ପୂର୍ଣ୍ଣ ମୂଳପୋଛ କରିବା ପାଇଁ ପ୍ରୟାସ ଚାଲିଛି।
ଆତ୍ମସମର୍ପଣକାରୀ ମାଓବାଦୀଙ୍କ ପାଖରୁ ଗୋଟିଏ AK-47, ୨ଟି ଏସଏଲଆର, ୨ଟି 303 ରାଇଫଲ ଜବତ କରିଛି ପୁଲିସ । ଆତ୍ମସମର୍ପଣ କରିଥିବା ମାଓବାଦୀଙ୍କ ନାଁରେ ଥିଲା ୧୪ ଲକ୍ଷର ପୁରସ୍କାର ।
ତେବେ ସବୁଠାରୁ ବଡ଼ କଥା ହେଉଛି ଆତ୍ମସମର୍ପଣ କରିଥିବା ଲୋକଙ୍କ ଭିତରେ ହିଡମାର ମୁଖ୍ଯ ସହଯୋଗୀ ମୁଚାକି ମଧ୍ୟ ରହିଛି। ଯାହାକି ପୋଲିସ ପାଇଁ ଏକ ବଡ଼ ସଫଳତା। ଏସସିଏମ ରମେଶ ଓରଫ ଅପ୍ପାସି ନାରାୟଣର ଆତ୍ମସମର୍ପଣ କରିଛି। ଏହାଛଡା ୩ ଷ୍ଟେଟ କମିଟି ସଦସ୍ଯ, ୩ ଡିଭିସି ମଧ୍ୟ ଆସି ଆତ୍ମସମର୍ପଣ କରିଛନ୍ତି।
Powered by Froala Editor
