ଜବତ ହେଲା ଲାଲ୍ ରଙ୍ଗର କାର୍
ଦିଲ୍ଲୀ ବିସ୍ଫୋରଣ ଘଟଣାରେ ଜବତ ହେଲା ଲାଲ୍ ରଙ୍ଗର କାର୍ । ହରିୟାଣାରୁ ଜବତ ହେଲା ଆତଙ୍କୀଙ୍କ ଏହି କାର୍ । ଦିଲ୍ଲୀ ପୋଲିସ ଯେଉଁ ଲାଲ କାର ପାଇଛି ତାହାର ଦୁଇ ଜଣ ମାଲିକ ଅଛନ୍ତି। ଦ୍ୱିତୀୟ ମାଲିକ ଜଣକ ଡାକ୍ତର ଉମର ବୋଲି ଜଣାପଡିଛି। ବିସ୍ଫୋରଣ ଦିନ ସନ୍ଦିଗ୍ଧ ବ୍ୟକ୍ତିଙ୍କ ସହିତ ଏକ I20 କାର ବ୍ୟତୀତ ଏହି ଲାଲ ଇକୋସ୍ପୋର୍ଟ ମଧ୍ୟ ଥିଲା। ପୋଲିସ ଏହି କାର ସମ୍ପର୍କରେ ଆଲର୍ଟ ଜାରି କରିଥିଲା॥ ଏହି ଲାଲ ରଙ୍ଗର ଇକୋସ୍ପୋର୍ଟ କାର ନମ୍ବର ହେଲା DL10CK0458। ଏହି କାର ସହ ବିସ୍ଫୋରଣରେ ସମ୍ପୃକ୍ତ ସନ୍ଦିଗ୍ଧ ବ୍ୟକ୍ତିଙ୍କ ଲିଙ୍କ୍ ଥାଇପାରେ ବୋଲି ପୋଲିସ ସନ୍ଦେହ କରୁଛି।
ଦିଲ୍ଲୀ ଲାଲକିଲ୍ଲା ନିକଟରେ ଶକ୍ତିଶାଳୀ ବିସ୍ଫୋରଣ ଘଟଣାରେ ଦିଲ୍ଳୀ , ଉତ୍ତରପ୍ରଦେଶ ଓ ହରିୟାଣା ପୋଲିସ ଏହି କାର୍କୁ ଖୋଜିଥିଲେ । ଦିଲ୍ଳୀ ପୋଲିସର ୫ଟି ଦଳକୁ କାର୍ ଖୋଜିବା ପାଇଁ ଦାୟୀତ୍ଵ ଦିଆଯାଇଥିଲା । ପରେ ଡିଏଲ୍-୧୦ସିକେ-୦୪୫୮ ବିଶିଷ୍ଟ ଆତଙ୍କୀଙ୍କ ଏହି ଲାଲ୍ ରଙ୍ଗର ଇକୋସ୍ପୋର୍ଟ କାର୍ ହରିୟାଣା ପୋଲିସକୁ ମିଳିଥିବା ସୂଚନା ମିଳିଛି । ଫରିଦାବାଦର ଖଣ୍ଡଓ୍ବାଲି ଗାଁ ପାଖରୁ ଏହି କାର୍ ମିଳିଥିବା ସୂଚନା ଦେଲେ ଫରିଦାବାଦ ପୋଲିସ ।
Powered by Froala Editor
