ଅଜା ଘରକୁ ବୁଲିବାକୁ ଆସିଥିଲେ, ପାଇଖାନା ଟାଙ୍କିରେ ପଡି ୩ ଶିଶୁଙ୍କ ମୃତ୍ୟୁ
କଟକ ଜିଲ୍ଲା ବଡମ୍ବା ବ୍ଲକ ରଗଡିପଡା ଗାଁରେ ଅଭାବନୀୟ ଘଟଣା ଘଟିଛି। ପାଇଖାନା ଟାଙ୍କିରେ ପଡି ୩ ଜଣ ଶିଶୁଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଦୁଇ ନାବାଳକ ଥିବା ବେଳେ ଜଣେ ନାବାଳିକା ରହିଛନ୍ତି । ମୃତକମାନେ ହେଲେ ଶୁଭମ ନାଏକ( ୩), ଶିବାନୀ ନାଏକ( ୫) ଓ ଅଙ୍କିତ ନାଏକ (୭)।
ସମସ୍ତଙ୍କୁ ବଡମ୍ବା ମେଡିକାଲରେ ଭର୍ତ୍ତି କରାଯାଇଥିଲା । ପୋଲିସ ସେଠାରେ ପହଞ୍ଚି ଶବ ବ୍ୟବଚ୍ଛେଦ ସହ ପୃଥକ ପୃଥକ ଅପମୃତ ମାମଲା ରୁଜୁ କରିଛି । ଏନେଇ ଆଠଗଡ଼ ଏସଡିପିଓ ବିଶ୍ୱଜିତ ମହାନ୍ତି ସୂଚନା ଦେଇଛନ୍ତି ।
ଶୁଭମ, ଶିବାନୀ ଓ ଅଙ୍କିତ ନିଜ ଅଜା ଘରକୁ ବୁଲିବାକୁ ଆସିଥିଲେ। ଖେଳୁଥିବା ବେଳେ ପଡୋଶୀଙ୍କ ପାଇଖାନା ଟାଙ୍କିର ଢାଙ୍କୁଣୀ ହଠାତ ଭାଙ୍ଗି ଯିବା ଫଳରେ ୩ ଜଣ ଏହା ଭିତରେ ପଡିଯାଇଥିଲେ। ସମସ୍ତଙ୍କୁ ତୁରନ୍ତ ଉଦ୍ଧାର କରି ବଡ଼ମ୍ବା ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ମୃତ ଘୋଷଣା କରାଯିବା ପରେ ମୃତଦେହକୁ ପରିବାରକୁ ହସ୍ତାନ୍ତର କରାଯାଇଛି।
Powered by Froala Editor
