ସୁନ୍ଦରଗଡ଼ରେ ଚିନ୍ତା ବଢ଼ାଇଛି ସ୍କ୍ରବ୍ ଟାଇଫସ
ସୁନ୍ଦରଗଡ଼: ସୁନ୍ଦରଗଡ଼ ଜିଲାରେ ଚିନ୍ତା ବଢ଼ାଇଛି ସ୍କ୍ରବ୍ ଟାଇଫସ ପୋକ। ଜାନୁଆରୀରୁ ଅକ୍ଟୋବର ୨୨ ତାରିଖ ସୁଦ୍ଧା ଏହି ଜିଲାରେ ୭୩୫୮ ଜଣଙ୍କ ରକ୍ତ ପରୀକ୍ଷାରୁ ୧୫୬୪ ଜଣ ସ୍କ୍ରବ ଟାଇଫସ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ଦୁଇ ଜଣଙ୍କ ମୃତ୍ୟୁ ହୋଇସାରିଛି। ମୃତକଙ୍କ ମଧ୍ୟରୁ ଜଣେ ବଡ଼ଗାଁ ବ୍ଲକ ସାେଲପାଲିର ଚାଷୀ କୈଳାସ ସାହୁ ଓ ଅନ୍ୟ ଜଣେ ରାଉରକେଲା ସହରାଞ୍ଚଳର ବୋଲି ଜଣାପଡ଼ିଛି। କେବଳ କୃଷି କ୍ଷେତ୍ରରେ ଏହି ପୋକ କାମୁଡ଼େ ବୋଲି ଧାରଣା ଥିବାବେଳେ ରାଉରକେଲା ସହରାଞ୍ଚଳରେ ମଧ୍ୟ ଆକ୍ରାନ୍ତ ଚିହ୍ନଟ ହେଉଛନ୍ତି। ସୁନ୍ଦରଗଡ଼ ଜିଲାର ସମସ୍ତ ୧୭ ବ୍ଲକ ଓ ୪ ପୌରାଞ୍ଚଳରେ ସ୍କ୍ରବ୍ ଟାଇଫସ ଆକ୍ରାନ୍ତ ଚିହ୍ନଟ ହେବା ସ୍ବାସ୍ଥ୍ୟ ବିଭାଗର ଚିନ୍ତା ବଢ଼ାଇଛି।
Powered by Froala Editor
