ସିନେମା ହଲ ମାନଙ୍କରେ ଓଡ଼ିଆ ଚଳଚ୍ଚିତ୍ରକୁ ସ୍ଲଟ ମିଳୁନଥିବା ନେଇ ଅନୁଭବ ମହାନ୍ତିଙ୍କ କ୍ଷୋଭ। ଆଉ ଏହାକୁ ନେଇ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଅପିଲ କଲେ ଓଡ଼ିଆ ସୁପରଷ୍ଟାର ତଥା ଫିଲ୍ମ ଚାରିଧାମର ମୁଖ୍ୟ ଅଭିନେତା ଅନୁଭବ ମହାନ୍ତି। ଅନୁଭବ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଅପିଲ କରି ଲେଖିଛନ୍ତି ଯେ ଏହି ଦଶହରାରେ ଓଡ଼ିଆ ସିନେମା ଏହାର ସବୁଠାରୁ ଖରାପ ସମୟକୁ ମୁକାବିଲା କରୁଛି, ଯେତେବେଳେ ହାଉସଫୁଲ ଚାଲିଥିବା ଓଡ଼ିଆ ସିନେମାକୁ ହଟାଇ ଦିଆଯାଇ ଅନ୍ୟ ଭାଷାର ଫିଲ୍ମ ଓ ହିନ୍ଦୀ ଫିଲ୍ମକୁ ପ୍ରାଥମିକତା ଦିଆଯାଉଛି |

ଦକ୍ଷିଣ ଭାରତୀୟ ସିନେମା ହିନ୍ଦୀରେ ଡବିଙ୍ଗ ହୋଇ ଓଡିଶାରେ ହଲ ମାନଙ୍କରେ ଅଧିକ ସ୍ଲଟ ମିଳୁଛି । ଓଡ଼ିଆ ଚଳଚ୍ଚିତ୍ରକୁ ହଲରୁ ହଟାଇ ଦେଉଥିବା ଅନୁଭବ ଏକ୍ସ ପୋଷ୍ଟରେ ଉଲ୍ଲେଖ କରିଛନ୍ତି । ବାସ୍ତବରେ ଅନୁଭବଙ୍କ ଅପିଲ ପଛରେ ବି ସତ୍ୟତା ରହିଛି । ଯଦି ଭୁବନେଶ୍ୱରର ପ୍ରମୁଖ ହଲମାନଙ୍କ ସିନେମା ତାଲିକା ଉପରେ ନଜର ପକାଇବା ତେବେ ଦେଖିବାକୁ ମିଳିଛି ଯେ ଅନୁଭବଙ୍କ ଫିଲ୍ମ ପାଇଁ ସିନେମା ହଲରେ ୨ରୁ ୩ଟି ସ୍ଲଟ ଥିବାବେଳେ ପୂଜା ମାହୋଲରେ ମୁକ୍ତିଲାଭ କରିଥିବା ଚ୍ୟାଲେଞ୍ଜ ପାଇଁ ଗୋଟିଏ ଲେଖାଏଁ ସ୍ଲଟ ଦିଆଯାଇଛି । ଅନ୍ୟପଟେ ହିନ୍ଦୀ ଭାଷାରେ ଡବିଙ୍ଗ ହୋଇଥିବା ଫିଲ୍ମ କାନ୍ତାରା ପାଇଁ ୧୦ରୁ ଅଧିକ ସ୍ଲଟ ରହିଛି ।

ଏହାକୁ ନେଇ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ହସ୍ତକ୍ଷେପ ପାଇଁ ଓଡ଼ିଆ ସୁପରଷ୍ଟାର ତଥା ଫିଲ୍ମ ଚାରିଧାମର ମୁଖ୍ୟ ଅଭିନେତା ଅନୁଭବ ମହାନ୍ତି ଅପିଲ କରିଛନ୍ତି । 

Powered by Froala Editor