ଆଚାର୍ଯ୍ୟ ଚାଣକ୍ୟ ବିଷ୍ଣୁଗୁପ୍ତ ଏବଂ କୌଟିଲ୍ୟ ନାମରେ ଜଣାଶୁଣା। ଚାଣକ୍ୟ (ଚାଣକ୍ୟ ନୀତି) ଏବଂ ଅର୍ଥଶାସ୍ତ୍ର ସମେତ ଅନେକ ଗ୍ରନ୍ଥ ଲେଖିଛନ୍ତି। ତାଙ୍କ ଦ୍ୱାରା ଲିଖିତ ଚାଣକ୍ୟ ନୀତି ଆଜି ମଧ୍ୟ ବହୁତ ପ୍ରସିଦ୍ଧ। ଚାଣକ୍ୟ ତାଙ୍କ ନୀତି ଗ୍ରନ୍ଥରେ ଏପରି କିଛି କଥା ଉଲ୍ଲେଖ କରିଛନ୍ତି, ଯାହା ଆପଣଙ୍କ ଜୀବନ ସୁଧାରିବାରେ ସହାୟକ ହେବ। 

ଅନେକ ଲୋକଙ୍କର ଅଭ୍ୟାସ ଥାଏ ଯେ, ସେମାନେ ସବୁବେଳେ ନିଜ ପାର୍ଟନର ବା ସାଥୀଙ୍କୁ ଅନ୍ୟମାନଙ୍କ ସହିତ ତୁଳନା କରିଥାଆନ୍ତି। ଆଚାର୍ଯ୍ୟ ଚାଣକ୍ୟ କହିଛନ୍ତି, ତୁଳନା ଆତ୍ମସମ୍ମାନକୁ ଆଘାତ କରେ ଏବଂ ସମ୍ପର୍କକୁ ନଷ୍ଟ କରିପାରେ। 

କିଛି ଲୋକ ସବୁବେଳେ ନିଜ ସାଥୀଙ୍କୁ ଥଟ୍ଟାମଜା କରିଥାଆନ୍ତି। ଆଚାର୍ଯ୍ୟ ଚାଣକ୍ୟ କହିଛନ୍ତି, ଯଦି ଜଣେ ବ୍ୟକ୍ତି ତାଙ୍କ ପାର୍ଟନରଙ୍କୁ ପ୍ରତ୍ୟେକ କଥାରେ ଅପମାନିତ କରନ୍ତି କିମ୍ବା ତାଙ୍କୁ ପରିହାସ କରନ୍ତି, ତେବେ ତାଙ୍କର ବୈବାହିକ ଜୀବନ କେବେ ବି ସୁଖମୟ ହୋଇପାରେ ନାହିଁ। ଏହା ଦ୍ୱାରା ସମ୍ପର୍କରେ ଝଗଡ଼ା ଏବଂ ଦୂରତା ସୃଷ୍ଟି ହେବାର ସମ୍ଭାବନା ଥାଏ। 

ଆଜିର ବ୍ୟସ୍ତବହୁଳ ଜୀବନରେ, ସାଥୀଙ୍କୁ ସମୟ ନ ଦେବା ବହୁତ ସାଧାରଣ ହୋଇଗଲାଣି। ଆଚାର୍ଯ୍ୟ ଚାଣକ୍ୟ କହିଛନ୍ତି, ସମ୍ପର୍କରେ ଦୂରତାର ମୁଖ୍ୟ କାରଣ ସାଥୀଙ୍କୁ ସମୟ ନଦେବା ମଧ୍ୟ ହୋଇପାରେ। ତେଣୁ ଆପଣଙ୍କ ସାଥୀଙ୍କ ସହିତ ସମୟ ବିତାଇବା ଏବଂ କଥାବାର୍ତ୍ତା କରିବା ସବୁଠାରୁ ଗୁରୁତ୍ୱପୂର୍ଣ୍ଣ। 

Powered by Froala Editor