ବନ୍ୟା ଉଜାଡ଼ି ଦେଲା ଫସଲ, ଭୋକରେ ଆଉଟୁ ପାଉଟୁ ହେଉଛନ୍ତି ଗୃହପାଳିତ ପଶୁ
ବାଲିଆପାଳ: ସୁବର୍ଣ୍ଣରେଖା ବନ୍ୟାର ପଞ୍ଚମ ଦିନରେ ଜଳସ୍ତର ହ୍ରାସ ପାଇଛି। ବନ୍ୟା ପାଣି କେତେକ ଗାଁରେ ଛାଡ଼ିଥିବାବେଳେ ୨ଟି ପଞ୍ଚାୟତର ୫ଟି ଗାଁ ବାହ୍ୟଜଗତରୁ ବିଛିନ୍ନ ରହିଛି। ପାଣି ଛାଡ଼ିଥିବା ଉଜୁଡ଼ା କ୍ଷେତ ଦେଖି ଚାଷୀ ଲୁହ ଝରାଉଥିବାବେଳେ ଭୋକରେ ଆଉଟୁ ପାଉଟୁ ହେଉଛନ୍ତି ଗୃହପାଳିତ ପଶୁ।
ବାଲେଶ୍ବର ଜିଲା, ବାଲିଆପାଳ ବ୍ଲକର ବିଷ୍ଣୁପୁର ପଞ୍ଚାୟତର ନୟାବାଲି, ରସଲପୁର, ଇକଡପାଳ ଏବଂ ଜାମକୁଣ୍ଡ ପଞ୍ଚାୟତର କୁହ୍ଲାଚଡ ଓ ତାଳପଦା ଗାଁ ପାଣି ଘେରେ ଏବେବି ରହିଛି। ଚଳିତ ବର୍ଷ ଲଗାତାର ପାଞ୍ଚ ଥର ବନ୍ୟା ଆସିବାରୁ ଚାଷୀଙ୍କ ଖରିଫ ଧାନର ତଳି ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଥିଲା। ଉପର ମୁଣ୍ଡରେ ପ୍ରବଳ ବର୍ଷା ଯୋଗୁଁ ଚଳିତ ମାସ ୨୪ ତାରଖରେ ପୁଣି ଥରେ ସୁବର୍ଣ୍ଣରେଖା ନଦୀରେ ବନ୍ୟା ଆସି ସବୁ ଉଜାଡ଼ି ଦେଇଛି।
Powered by Froala Editor
