ମଧ୍ୟପ୍ରଦେଶରେ ଦିନକ ଭିତରେ ୫୦୦୦ ନୂଆ କରୋନା ମାମଲା ସାମ୍ନାକୁ ଆସିବା ପରେ ରାଜ୍ୟ ସରକାର ପରିସ୍ଥିତି ନିୟନ୍ତ୍ରଣ କରିବା ପାଇଁ ୧୨ଟି ସହରରେ ଲକଡାଉନ ଲାଗୁ କରିବାକୁ ଘୋଷଣା କରିଛନ୍ତି । କରୋନା ମୁକାବିଲା ପାଇଁ ଗଠିତ କ୍ରାଇସିସ ମ୍ୟାନେଜମେଣ୍ଟ ଗ୍ରୁପ ସହ ବୈଠକ ପରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଏହି ନିଦେ୍ର୍ଧଶ ଦେଇଛନ୍ତି । ରାଜ୍ୟ ସରକାର ଜଣେ ଅଧିକାରୀ ଦେଇଥିବା ସୂଚନା ଅନୁସାରେ, ବଡ଼ୱାନା ରାଜଗଡ଼ ଓ ବିଦିଶା ଜିଲ୍ଲାର ଉଭୟ ସହରାଞ୍ଚଳ ଏବଂ ଗ୍ରାମାଞ୍ଚଳରେ ଏପି୍ରଲ ୧୯ ସକାଳ ୬ଟା ଯାଏଁ ଲକଡାଉନ ଜାରି ରହିବ । ସେହିପରି ଇନେ୍ଦାର, ରାଉ, ମହୁ, ସାଜାପୁର ଓ ଉଜ୍ଜୟନୀ ସହରରେ ବି ଏପି୍ରଲ ୧୯ ସକାଳ ୬ଟା ଯାଏଁ ଲକଡାଉନ ବଳବତ୍ତର ରହିବ । ଏହା ବ୍ୟତୀତ ଜବଲପୁର, ବାଲାଘାଟ, ନରସିଂହପୁର ଓ ସିୱନୀ ଜିଲ୍ଲାରେ ଏପି୍ରଲ ୧୨ ଯାଏଁ ଲକଡାଉନ ଲାଗୁ କରାଯିବ ବୋଲି ଘୋଷଣା କରାଯାଇଛି । ଏହା ପୂର୍ବରୁ ରତଲାମ, ଛିନ୍ଦୱାଡା ସହ ୫ଟି ସହରରେ ପୂର୍ବରୁ ଲକଡାଉନ ଲାଗୁ ହୋଇଯାଇସାରିଛି । ରାଜ୍ୟରେ ସବୁଠାରୁ ଅଧିକ କରୋନା ମାମଲା ଇନେ୍ଦାର ସହରରେ ରେକର୍ଡ କରାଯାଇଛି । ଗତ ୨୪ ଘଣ୍ଟା ଭିତରେ କେବଳ ଏହି ସହରରେ ୯୧୨ ଜଣ ନୂଆ କରୋନା ରୋଗୀଙ୍କୁ ଚିହ୍ନଟ କରାଯାଇଥିବା ବେଳେ ୫ ଜଣଙ୍କର ମୃତୁ୍ୟ ହୋଇଛି ।