କଟକର ପ୍ରସିଦ୍ଧ ଦହିବରା ମାଲିକ ରଘୁନାଥ ସାସମଲଙ୍କ ପରଲୋକ ହୋଇଛି। ୯୧ ବର୍ଷ ବୟସରଙ୍କ ରଘୁନାଥଙ୍କ ମୃତ୍ୟୁ ହୋଇଛି।

ରଘୁଙ୍କୁ ପନ୍ଦର ବର୍ଷ ହେଲାବେଳଠୁ, ସେ ଦହିବରା ବେପାର କରିଆସୁଛନ୍ତି । କୁହାଯାଏ ୧୯୫୦ ମସିହାରୁ ଦହିବରା ବେପାରକୁ ଆପଣାଇଥିଲେ ରଘୁ| ବିଡ଼ାନାସୀ ଛକରେ ରଘୁ ଦହିବରା ଆଳୁଦମ ଏକ ଟ୍ରଲିରେ ଧରି ପହଁଚୁଥିଲେ । ସେ ଆସିବା ଆଗରୁ ଗ୍ରାହକମାନେ ତାଙ୍କୁ ଅପେକ୍ଷା କରି ରହୁଥିଲେ। ପୂର୍ବରୁ ଏକୁଟିଆ ଦହିବରା ନେଇ ଆସୁଥିବା ରଘୁଙ୍କର ବୟସ ଯେତେବେଳେ ବଢିଚାଲିଲା, ପୁଅକୁ ସାଥିରେ ନେଇ ରଘୁ ଆସିଲେ। ଲୋକଙ୍କୁ ବାଢିକି ଦେବାରେ ଯେଉଁ ଆନନ୍ଦ ରଘୁଙ୍କର ଥାଏ, ବେପାରୀ-ଗ୍ରାହକର ସମ୍ପର୍କକୁ ତାହା ମଜଭୁତ କରିଦିଏ । ଟଙ୍କା ଅପେକ୍ଷା ଲୋକଙ୍କ ଆତ୍ମସନ୍ତୋଷ ଯେ ସବୁକିଛି ତାହା ରଘୁ ବୁଝିପାରିଥିଲେ, ଆଉ ସେଥିପାଇଁ ତ ଆଜି ପ୍ରତିଟି କଟକିଆଙ୍କ ମୁହଁରେ ଗୋଟିଏ କଥା ହିଁ ଶୁଣିବାକୁ ମିଳୁଛି ଆହା, ରଘୁ ମଉସା ଚାଲିଗଲା ।

ବାର୍ଦ୍ଧକ୍ୟ ଜନିତ ରୋଗରେ ପୀଡ଼ିତ ଥିଲେ ରଘୁନାଥ ସାସମଲ। କଟକର ଗଳିକନ୍ଦିରେ ମାଳମାଳ ଦହିବରା ବ୍ୟବସାୟୀଙ୍କ ଭିତରୁ ଯିଏ ଚର୍ଚ୍ଚାର ସବୁଠୁ ଆଗରେ ଥିଲେ ସେ ହେଲେ ରଘୁନାଥ ସାସମଲ। ରଘୁ ଦହିବରା ନାମରେ କେବଳ କଟକ ନୁହେଁ ସମଗ୍ର ଓଡ଼ିଶାରେ ତାଙ୍କର ଭିନ୍ନ ପରିଚୟ ରହିଥିଲା। ପରିଣତ ବୟସରେ ମଧ୍ୟ ଦହିବରା-ଆଳୁଦମକୁ ଏପରି ପ୍ରସ୍ତୁତ କରୁଥିଲେ ଲୋକେ ହାତ ଚାଟି ଖାଉଥିଲେ। ଆଜି ପର୍ଯ୍ୟନ୍ତ କଟକ ରଘୁ ଦହିବରାର ଏକ ସ୍ୱତନ୍ତ୍ର ନାଁ ଥିଲା। ହେଲେ ଆଜି ରଘୁନାଥ ସାସମଲଙ୍କ ମୃତ୍ୟୁ ହୋଇଛି। 

Powered by Froala Editor