ପାର୍କିଂକୁ ନେଇ ହୁମାଙ୍କ ସମ୍ପର୍କୀୟ ଭାଇଙ୍କୁ ହତ୍ୟା
ପାର୍କିଂକୁ ନେଇ ବଲିଉଡ୍ ଅଭିନେତ୍ରୀ ହୁମା କୁରେଶୀଙ୍କ ସମ୍ପର୍କୀୟ ଭାଇ ଆସିଫ୍ କୁରେଶୀଙ୍କୁ ହତ୍ୟା କରାଯାଇଥିବା ଜଣାପଡ଼ିଛି । ମୃତକଙ୍କ ନାମ ଆସିଫ୍ କୁରେଶୀ। ଘର ପାଖରେ ଥିବା ପାର୍କିଂକୁ ନେଇ ଆରମ୍ଭ ହୋଇଥିବା ବିବାଦ ଏଭଳି ମୋଡ଼ ନେବ ବୋଲି କାହାକୁ ଜଣାନଥିଲା। ଜଣେ ବ୍ୟକ୍ତି ଆସିଫ୍ଙ୍କ ଘର ବାହାରେ ତାଙ୍କ ସ୍କୁଟି ରଖିଥିଲେ। ଆସିଫ୍ ତାଙ୍କୁ ସ୍କୁଟି ହଟାଇବାକୁ କହିବାରୁ ଯୁକ୍ତିତର୍କ ଆରମ୍ଭ ହୋଇଥିଲା ଏବଂ ମାମଲା ହତ୍ୟା ପର୍ଯ୍ୟନ୍ତ ପହଞ୍ଚିଥିଲା।
ସୂଚନା ଅନୁଯାୟୀ, ଗୁରୁବାର ବିଳମ୍ବିତ ରାତିରେ ନିଜାମୁଦ୍ଦିନ ଥାନା ଅଞ୍ଚଳର ଜଙ୍ଗପୁରା ଭୋଗଲ ବଜାର ଲେନରେ ଏକ ପାର୍କିଂ ବିବାଦ ଘଟିଥିଲା। ବିଳମ୍ବିତ ରାତି ପ୍ରାୟ ୧୧ଟା ସମୟରେ, ଗେଟ୍ ଉପରୁ ସ୍କୁଟି କାଢି ସାଇଡ୍ ପାର୍କିଂ କରିବାକୁ ନେଇ ବିବାଦରେ ଅଭିଯୁକ୍ତ ଆସିଫ୍ କୁରେଶୀଙ୍କ ଉପରେ ଆକ୍ରମଣ କରିଥିଲେ । ଗୁରୁତର ଆହତ ଆସିଫଙ୍କୁ ହସ୍ପିଟାଲ ନିଆଯାଇଥିଲା, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ପୁଲିସର କହିବା ମୁତାବକ, ଅଭିଯୁକ୍ତଙ୍କ ନାମ ଗୌତମ ଏବଂ ଉଜ୍ଜ୍ୱଳ। ଉଭୟେ ୨ଭାଇ। ଉଜ୍ଜ୍ୱଳ ପ୍ରଥମେ ଆସିଫ୍ କୁରେଶୀଙ୍କୁ ଆକ୍ରମଣ କରିଥିଲେ। ଗୌତମ ୧୮ ବର୍ଷ ବୟସର ହୋଇଥିବା ବେଳେ ଉଜ୍ଜ୍ୱଳ ୧୯ ବର୍ଷ ବୟସର।
Powered by Froala Editor
