ଶ୍ରୀମନ୍ଦିରରେ କ୍ୟାମେରା ସହ ଜଣେ ଯୁବକଙ୍କୁ ଧରିଲା ପୋଲିସ
ପୁରୀ : ଶ୍ରୀମନ୍ଦିରରେ ପୁଣି ହିଡେନ୍ କ୍ୟାମେରା । ପଶ୍ଚିମଦ୍ୱାରା ଦେଇ ଶ୍ରୀମନ୍ଦିରକୁ ପ୍ରବେଶ ବେଳେ କ୍ୟାମେରା ସହ ଜଣେ ଯୁବକଙ୍କୁ ଧରିଲା ପୋଲିସ । କ୍ୟାମେରା ଜବତ ସହ ଉକ୍ତ ଯୁବକଙ୍କୁ ସିଂହଦ୍ୱାରା ଥାନାରେ ଅଟକ ରଖିଛି ପୋଲିସ । ଖବର ଅନୁଯାୟୀ, ଗତ କିଛି ଦିନ ହେଲା ଶ୍ରୀମନ୍ଦିରରୁ ତିନୋଟି ହିଡେନ୍ କ୍ୟାମେରା ଜବତ ହୋଇଛି । କିଛି ଦିନ ତଳେ ଜଣେ ଯୁବକ ଶ୍ରୀମନ୍ଦିର ମଧ୍ୟରେ ଚଷମାରେ ହିଡେନ୍ କ୍ୟାମେରା ଫିଟ୍ କରି ବୁଲୁଥିଲେ । ପୋଲିସ ଗିରଫ କରିବା ସହ ତାଙ୍କ ନାଁର ମାମଲା ରୁଜୁ କରିଥିଲା । ତେବେ ଗୋଟିଏ ଘଟଣାକୁ କିଛି ଦିନ ବିତିଛି କି ନାହିଁ ଆଉ ଏକ ମାମଲା ସାମ୍ନାକୁ ଆସିଛି । ଗୁଜୁରାଟ ସୁରତର ଜଣେ ଯୁବକ ଶ୍ରୀମନ୍ଦିର ମଧ୍ୟରେ ଚଷମାରେ ହିଡେନ କ୍ୟାମେରା ଲଗାଇ ପ୍ରବେଶ କରିଥିଲେ । ମୁକ୍ତି ମଣ୍ଡପ ନିକଟରେ ବୁଲୁଥିବା ବେଳେ ଧରିଥିଲେ ଜେଟିପି । ତାଙ୍କୁ ମଧ୍ୟ ସିଂହଦ୍ୱାର ଥାନାରେ ଅଟକ ରଖିଛି ପୋଲିସ । ଦୁଇଟି ଘଟଣାରେ ଆଖି ସାମ୍ନାରେ ଥିବା ବେଳେ ଆଉ ଏକ ଖବର ପୋଲିସ ପ୍ରଶାସନ ନିକଟକୁ ଆସିଛି । ଶ୍ରୀମନ୍ଦିରର ପଶ୍ଚିମ ଦ୍ୱାରା ଦେଇ ଜଣେ ଯୁବକ ଶ୍ରୀମନ୍ଦିର ମଧ୍ୟକୁ ପ୍ରବେଶ କରୁଥିଲେ । ତାଙ୍କ ସହିତ ମଧ୍ୟ ଏକ ହିଡେନ୍ କ୍ୟାମେରା ରହିଥିଲା ।
Powered by Froala Editor
