ଗୁଜୁରାଟର କଚ୍ଛ ଜିଲ୍ଲାରେ ଜଣେ ମହିଳା ଆସିଷ୍ଟାଣ୍ଟ ସବ-ଇନ୍ସପେକ୍ଟରଙ୍କୁ ହତ୍ୟା କରିଛନ୍ତି ତାଙ୍କ ଲିଭ୍-ଇନ୍ ପାର୍ଟନର।  ଗିରଫ ପ୍ରେମିକଙ୍କ ନାମ ଦିଲୀପ ଡାଙ୍ଗାଚିୟା । ଦିଲୀପ ଜଣେ ସିଆରପିଏଫ କନଷ୍ଟେବଳ ଥିବା ଜଣାପଡ଼ିଛି। ପୋଲିସ୍ ମୃତଦେହକୁ ଜବତ କରିବା ପରେ ଅଭିଯୁକ୍ତକୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି।

କଚ୍ଛ ଜିଲ୍ଲାର ଅଞ୍ଜାର ପୋଲିସ ଷ୍ଟେସନରେ ମହିଳା ଆସିଷ୍ଟାଣ୍ଟ ସବ-ଇନ୍ସପେକ୍ଟର (ଏଏସଆଇ) ଭାବେ କାର୍ଯ୍ୟ କରୁଥିଲେ ଅରୁଣାବେନ୍ ନଟୁଭାଇ ଯାଦବ। ସେ ଅଞ୍ଜାର ସ୍ଥିତ ଏକ ଭଡା ଘରେ ତାଙ୍କ ଲିଭ୍-ଇନ୍ ପାର୍ଟନର ଦିଲୀପଙ୍କ ସହ ରହୁଥିଲେ। ଶୁକ୍ରବାର ବିଳମ୍ବିତ ରାତିରେ ଅରୁଣା ଏବଂ ଦିଲୀପଙ୍କ ମଧ୍ୟରେ କୌଣସି କଥାକୁ ନେଇ ପ୍ରବଳ ଯୁକ୍ତିତର୍କ ହୋଇଥିଲା। ଅରୁଣା ଦିଲୀପଙ୍କ ମାଆଙ୍କ ବିଷୟରେ ଆପତ୍ତିଜନକ ଟିପ୍ପଣୀ ଦେବାରୁ ଦିଲୀପ ଅରୁଣାଙ୍କ ଗଳା କାଟି ହତ୍ୟା କରିଥିଲେ।ଶନିବାର ଅଞ୍ଜାର ପୋଲିସ ଷ୍ଟେସନରେ ଯାଇ ଆତ୍ମସମର୍ପଣ କରିଥିଲା ଅଭିଯୁକ୍ତ। ଯାହା ପରେ ଏ ସମ୍ପୂର୍ଣ୍ଣ ଘଟଣା ସାମନାକୁ ଆସିଥିଲା।

ଦିଲୀପଙ୍କ ଆତ୍ମସମର୍ପଣ ପରେ ପୋଲିସ୍ ଘଟଣାର ତଦନ୍ତ ଆରମ୍ଭ କରିଛି। ଅଞ୍ଜାର ଡିଭିଜନର ଡେପୁଟି ଏସପି ମୁକେଶ ଚୌଧୁରୀ କହିଛନ୍ତି,‘ ଅରୁଣା ଏବଂ ଦିଲୀପ ୨୦୨୧ ମସିହାରେ ଇନଷ୍ଟାଗ୍ରାମ ମାଧ୍ୟମରେ ଚିହ୍ନା ପରିଚୟ ହୋଇଥିଲେ। ଉଭୟ କିଛି ଦିନ ହେବ ଏକାଠି ରହୁଥିଲେ।’ ନିକଟରେ ସେ ଛୁଟିରେ ଘରକୁ ଆସିଥିଲେ। ଦୁହେଁ ବିବାହ କରିବାକୁ ଯୋଜନା କରିଥିଲେ।

Powered by Froala Editor