ନୂଆଦିଲ୍ଲୀ : ଇରାନ ଓ ଇସ୍ରାଏଲ ମଧ୍ୟରେ ଜାରି ରହିଛି ଯୁଦ୍ଧ । ଉଭୟ ଦେଶ ପରସ୍ପର ଉପରେ ଏବେ ମଧ୍ୟ କ୍ଷେପଣାସ୍ତ୍ର ମାଡ କରି ଚାଲିଛି । ଗତକାଲି ଆମେରିକା ମଧ୍ୟ ଇରାନ ଉପରେ ଆକ୍ରମଣ କରିଛି । ଏହାପରେ ଇରାନର ସର୍ବୋଚ୍ଚ ନେତା ଖାମନେଇ ନିଜ ଏକ୍ସ ଆକାଉଣ୍ଟ ପୋଷ୍ଟ ଶେୟାର କରି କହିଛନ୍ତି କି ସେ ଇସ୍ରାଏଲକୁ କ୍ଷମା କରିବେ ନାହିଁ । ତାକୁ ଦଣ୍ଡ ଦେବା ପାଇଁ ଶପଥ ମଧ୍ୟ କରିଛନ୍ତି । ପୋଷ୍ଟ ଅନୁଯାୟୀ, ତେଲ ଅଭିଭ ଉପରେ ଆକ୍ରମଣକୁ ତୀବ୍ର କରାଯାଇପାରିବ। ମାତ୍ର ସେ ଆମେରିକୀୟ ଆକ୍ରମଣ ବିଷୟରେ କିଛି ମଧ୍ୟ ଉଲ୍ଲେଖ କରି ନାହାଁନ୍ତି ।

ଡୋନାଲ୍ଡ ଟ୍ରମ୍ପ ହ୍ୱାଇଟ୍ ହାଉସରେ କହିଛନ୍ତି, ଇରାନ ଉପରେ ଆକ୍ରମଣର ଲକ୍ଷ୍ୟ “ଇରାନର ପରମାଣୁ ସମୃଦ୍ଧି କ୍ଷମତାକୁ ନଷ୍ଟ କରିବା ଏବଂ ବିଶ୍ୱର ଏକ ନମ୍ବର ଆତଙ୍କବାଦୀଙ୍କୁ ସୁରକ୍ଷା ଦେଉଥିବା ଦେଶକୁ ରୋକିବା । ସେ ଆହୁରି ମଧ୍ୟ ଚେତାବନୀ ଦେଇ କହିଛନ୍ତି, ଏବେ ମଧ୍ୟପ୍ରାଚ୍ୟରେ ଗୁଣ୍ଡାଗିରି ବନ୍ଦ କରିବାକୁ ପଡିବ ଏବଂ ଶାନ୍ତି ପ୍ରତିଷ୍ଠା କରିବାକୁ ପଡିବ। ଯଦି ସେମାନେ ଏହା ନକରନ୍ତି, ତେବେ ଭବିଷ୍ୟତରେ ପରିସ୍ଥିତି ଅଧିକ ଗମ୍ଭୀର ହୋଇପାରେ, ଯାହା କାରଣରୁ ସେଠାରେ ଆକ୍ରମଣ ବୃଦ୍ଧି ପାଇବ।

ଆମେରିକା ଇରାନ ପ୍ରତିଷ୍ଠିତ ସଂସ୍ଥା ଉପରେ ଆକ୍ରମଣ କରି ଅନ୍ତର୍ଜାତୀୟ ଆଇନ ଏବଂ ଜାତିସଂଘ ଚାର୍ଟର ଉଲ୍ଲଂଘନ କରୁଥିବା ଅଭିଯୋଗ କରିଛି। ୱାଶିଂଟନରୁ ଆକ୍ରମଣ ପରେ ୟୁଏନଏସସିର ଜରୁରୀକାଳୀନ ବୈଠକରେ, ଇରାନ କହିଛି ଯେ ଆମ ପାଖରେ ନିଜକୁ ସୁରକ୍ଷା ଦେବା ପାଇଁ ସମସ୍ତ ସୁରକ୍ଷିତ ବିକଳ୍ପ ଅଛି। ଅନ୍ୟପକ୍ଷରେ, ଅଷ୍ଟ୍ରେଲିଆ, ବ୍ରିଟେନ ଏବଂ ଅନ୍ୟାନ୍ୟ ପାଶ୍ଚାତ୍ୟ ଦେଶର ସହଯୋଗୀମାନେ ଇରାନ ଉପରେ ଆକ୍ରମଣ ପାଇଁ ଆମେରିକାକୁ ସମର୍ଥନ କରିଛନ୍ତି।

Powered by Froala Editor